web counter
LEXO PA REKLAMA!

SHKARKO APP

App Store
Google Play

E fundit!

x

Lautaro shpërthen në lot, Inzaghi: Do të mbetet gjatë në memorie

23 Prill 2024, 10:10, Sport CNA

Lautaro shpërthen në lot, Inzaghi: Do të mbetet gjatë

Interi ia doli të sigurojë fitimin e titullit kampion dhe këtë e bëri me një fitore 2-1 në derbi ndaj Milanit.

Trajneri i zikaltërve, Simone Inzagi, u shfaq shumë i lumtur, duke thënë se ky triumf do të mbahet mend gjatë.

“Këta njerëz dhe pasioni për tifozët më bëjnë të lumtur. Shoh 3 vite me 6 trofe dhe një finale të Ligës së Kampionëve. Ishte e vështirë ta imagjinoje kështu. Falënderoj djemtë. Kemi siguruar matematikisht titullin në një derbi në shtëpinë e Milanit. Është diçka që do të mbetet gjatë në memorie. Doja të komplimentoja Milanin. Nuk ishte e lehtë psikologjikisht për ta që të luanin dhe dhanë gjithçka deri në fund. Kanë qenë kundërshtarë shumë të vlefshëm në këto tri vite dhe do të jenë të tillë edhe në vitet e ardhshme. Donim ta fitonim sot titullin dhe ia dolëm”, deklaroi Inzagi.

Tepër i emocionuar u shfaq, kapiteni i Interit, Lautaro Martinez, i cili deklaroi se lojtarët kanë hyrë në histroinë e klubit.

“Tani do të qaj. Kemi punuar dhe kemi vuajtur shumë. E merituam këtë gëzim. Ua dedikoj ndeshjen prindërve, fëmijëve, familjes sime dhe të gjithë tifozëve të futbollit. Mund të fitosh dhe mund të humbësh, por sot padyshim që ka shumë lumturi. U thashë djemve se ishim në një situatë që nuk kishte ndodhur kurrë. Duhet të përfitonim nga kjo mundësi, sepse tani i gjithë stadiumi është yni. Kemi fituar yllin e dytë, kemi hyrë në historinë e këtij klubi”, u shpreh Lautaro.





Lajmet e fundit nga