E fundit!

14:22 Aktualitet

Paralizohet trafiku në aksin Fier-Lushnje/ Aksident i shumëfishtë

Paralizohet trafiku në aksin Fier-Lushnje. Sipas informaci...

Fitoi titullin me Interin, Asllani: Nuk e kam kuptuar çfarë ka ndodhur

23 Prill 2024, 09:59, Sport CNA

Fitoi titullin me Interin, Asllani: Nuk e kam kuptuar çfarë ka

Kristjan Asllani ka festuar kampionatin e parë të fituar me Interin. Triumfi ndaj Milanit, përveç tifozëve zikatër, solli festë edhe për mesfushorin kuqezi.

22-vjeçari luajti në minutat e fundit në dferbin ndaj Milanit, që ishte edhe sfida vendimatre për titullin kampion. Ëndërr e bërë realitet për mesfushorin, që ia del të fitojë kampionatin, me skuadrën e zemrës dhe të cilën e ka mbështetur që fëmijë.

Asllani bëhet lojtari i dytë shqiptar, që fiton titullin kampionë të Serisë A, pas Giacomo Vrionit, që e mori me Juventusin në vitin 2020.

Megjithatë, në ndryshim nga sulmuesi, Asllani ka qenë edhe vendimtar me Interin këtë sezon, duke dhënë një kontribut sado të vogël në fitimin e trofeut.

Në 19 ndeshje të aktivizuara, lojtari nga Elbasani numëron edhe një gol të shënuar në Serinë A.

Bëhet fjalë për ndeshjen me Genoa-n në shtëpi, të cilën zikaltrit e fituan me rezultatin 2-1, për të nisur më pas marshimin drejt yllit të dytë.

Asllani shënoi golin e parë në atë takim, ndërsa në fund u zgjdodh edhe si lojtari më i mirë i ndeshjes. Shqiptari nuk ka krijuar kurrë polemika, duke e pranuar stolin me qetësi dhe për të dhënë kontributin kur kishte nevojë skuadra.

Mesfushori mori edhe një urim nga presidenti i Federatës Shqiptare, Armand Duka, i cili tha se është nder dhe krenari ta shikosh këtë sukses të Asllanit.

Vetë lojtari u shfaq i emocionuar dhe shumë i lumtur pas suksesit të arritur, ndërsa tha se është dita më e veçantë.

“Jam shumë i lumtur. E prisnim dhe e donim shumë këtë titull. Nuk kam fjalë. Është një emocion i madh, sidomos si tifoz i Interit. Ishin momente të bukura! Edhe pse nuk luanim në shtëpi, kishte shumë tifozë të Interit. Ndoshta nuk e kam kuptuar ende se çfarë kemi bërë! Është dita më e veçantë. Nuk e kemi thënë, por e dinim këtë. Fitorja në derbi vlen për diçka më shumë, por ne donim titullin dhe ia dolëm", deklaroi Asllani.

Mesfushori pritet të japë një kontribut të veçantë edhe në Europian me fanellën e Shqipërisë, pasi është kthyer në titullar të padiskutueshëm në formacionin e trajnerit Silvinjo.