web counter
LEXO PA REKLAMA!

SHKARKO APP

App Store
Google Play

Elbasani merr vendimin/ Zbulohet trajneri që do t'i drejtojë në Superiore

22 Prill 2024, 12:49, Sport CNA

Elbasani merr vendimin/ Zbulohet trajneri që do t'i drejtojë

AF Elbasani siguroi ngjitjen në Superiore pak ditë më parë dhe te verdheblutë kanë nisur nga puna për skuadrën e sezonit të ardhshëm. Mësohet se Elbasani në elitë do të drejtohet nga trajneri aktual, Nevil Dede.

Drejtuesit kanë mbetur të kënaqur me paraqitjet që skuadra ka treguar në drejtimin e 49-vjeçarit dhe për këtë arsye, kanë vendosur ta konfirmojnë edhe për Superioren.

Palët janë në bisedime dhe Dedes i është propozuar një rinovim për dy sezone, me mundësi rinovimi edhe për vitin e tretë.

Gjithçka duket në rrugën e duhur dhe zyrtarizimi do të vijë në ditët e ardhshme. Dede u emërua në stolin e Elbasanit në verën e vitit të kaluar dhe brenda një sezoni arriti të sigurojë ngjitjen në elitë.

Verdheblutë në Kategorinë e Parë, kanë treguar parqitje shumë të mira, ndërsa kryesojnë renditjen me 70 pikë. Me Deden në stol, Elbasani këtë sezon numëron 21 fitore, 7 barazime dhe vetëm 2 humbje në kampionat.

Drejtuesit kërkojnë të ndërtojnë një skuadër konkurruese për sezonin e ardhshëm, pasi nuk duan të jenë thjesht kalimtarë në Superiore. Objektivi në elitë për Elbasanin do të jetë katërshja e parë, për të synuar në fund, pse jo edhe titullin kampion.

Për trajnerin Nevil Dede, do të jetë një rikthim në Superiore, kampionat të cilin e njeh shumë mirë, pasi aty ka drejtuar edhe skuadrën e Tiranës.  





Lajmet e fundit nga