E fundit!

15:50 Kronika

Tentoi të godasë me thikë efektivin e Rrugores dhe t'i marrë armën/ Vihet në pranga 38-vjeçari në Tiranë

Një 38-vjeçar është arrestuar ditën e sotme afër kthesës s...

Dita e "Derby della Madonnina"/ Milani për të thyer “tabunë”, Interi do titullin

22 Prill 2024, 12:58, Sport CNA

Mbrëmja e kësaj të hëne rezervon një nga derbet më të bukura dhe më emocionuese të planetit, siç është Milan-Inter.

Ndryshe nga sezonet e kaluara, kur jemi mësuar t’i shikojmë të luftojnë në renditje. Zikaltrit kanë mbyllur çështjen e titullit kampion dhe duan ta sigurojnë matematikisht me një fitore ndaj rivalëve të qytetit.

Në krahun tjetër, Milani i është kthyer Interi në një makth në përballjet e fundit mes tyre dhe për këtë arsye do të kërkojnë të thyejnë me çdo kusht tabunë.

Ajo ndaj zikaltërve do të jetë edhe për çështje krenarie, ndërsa këtë e pranoi edhe trajneri kuqezi, Stefano Pioli në konferencën para ndeshjes.

“Ndeshja ndaj Interit është një mundësi për t’u ringritur. Vendosini çfarë emri të doni, quajeni një ndeshje për krenarinë, për përgjegjësinë apo për flamurin. Për klasifikimin, apo për eliminimin nga Liga e Europës, unë di që është një ndeshje shumë e rëndësishme. Një fitore në derbi ka shumë domethënie. Nuk dua që të flitet për mua, është folur shumë këto kohë dhe kjo nuk i bën mirë askujt. Milani im mund të bëj edhe më shumë. Mua nuk më interesojnë kritikat, gazetarët dhe tifozët mund të flasin sa të duan. Në derbi duhet të bëjmë gjithçka që skuadra tjetër të mos e fitojë ndeshjen”, u shpreh Pioli.

I qetë u shfaq në krahun tjetër, trajneri i Interit, Simone Inzaghi, i cili deklaroi se ndaj Milanit, mund të jetë një ditë e veçantë.

“Derbi është gjithmonë derbi, kështu që kemi ndjenja të shkëlqyera. Ditët e fundit kemi punuar shumë mirë, nesër mund të jetë një ditë e veçantë për Interin. Kemi fituar pesë derbet e fundit dhe ata na kanë dhënë gëzim të madh, na kanë lejuar të arrijmë në finalen e Ligës së Kampioneve, por ne e dimë që nesër nuk do të llogaritet asgjë, do të duhet ta vëmë në lojë atë që kemi, kundër një ekipi të dytë në renditje që do të bëjë gjithçka për ta bërë derbin shumë të vështirë për ne”, theksoi Inzaghi.

Ndeshja mes Milanit dhe Interit, është planifikuar të luhet mbrëmjen e kësaj të hëne, në stadiumin “San Siro”, duke filluar nga ora 21:00.