web counter
LEXO PA REKLAMA!

SHKARKO APP

App Store
Google Play

E fundit!

x

Humbja në derbi, trajneri Pioli nuk e mendon dorëheqjen

23 Prill 2024, 10:06, Sport CNA

Humbja e fundit në derbi dhe fitimi i titullit nga Interi, pikërisht ndaj Milanit, i ka dhënë goditjen përfundimtare marrëdhënies, mes trajnerit Stefano Pioli dhe tifozëve kuqezi.

Pavarësisht gjithçkaje, deklaratat e teknikut 58-vjeçar, kanë irrituar edhe më shumë lojtarin e 12-të te Milani.

Nuk kishte si të ndodhte ndryshe as këtë herë, kur pas ndeshjes, Pioli tha se nuk e mendon dorëheqjen, duke shtuar se nuk është i zhgënjyer për atë që skuadra tregoi në fushë.

“Nuk jam i zhgënjyer, sa i përket pikëpamjes taktike. Interi në pjesën e parë na lëndoi me goditje nga këndi dhe në kundërsulme. Ne donim të mbroheshim më poshtë për të mos pranuar atë që ndodhi në pjesën e dytë, me golin e dytë të pësuar na u komplikua jeta, por skuadra luftoi dhe nuk pati fat për të gjetur golin e barazimit.

Interi humbi vetëm një ndeshje këtë sezon, thuajse gabimisht. Ka 3/4 vjet që ka skuadrën më të fortë në kampionat. Kjo do të thotë se ata janë më të fortë se të gjithë dhe se ne duhet të bëjmë më mirë. Nuk e di nëse cikli im te Milani është mbyllur. 12 muaj më parë dukej se Inzaghi do të shkarkohej, më pas bëri atë që bëri. Jam mirë këtu, do të duhet ta përfundojmë mirë kampionatin dhe të flasim për të në fund të fundit.”, tha Pioli.





Lajmet e fundit nga