web counter
LEXO PA REKLAMA!

SHKARKO APP

App Store
Google Play

E fundit!

x

Tragjedia me zjarrin në Koçan, ndërron jetë futbollisti i skuadrës shqiptare

16 Mars 2025, 14:55, Sport CNA

Tragjedia me zjarrin në Koçan, ndërron jetë futbollisti i

Futbollisti i Shkupit, Andrej Lazarov është një nga viktimat e tragjedisë në Koçan. Lojtari ka ndërruar jetë, pas plagëve të marra në diskotekën ku shpërtheu zjarri gjatë natës.

Lajmi i hidhur është konfirmuar nga vetë klubi shqiptar në Maqedoninë e Veriut, Shkupi, nëpërmjet një komunikate zyrtare.

Të paktën 59 persona kanë humbur jetën në një diskotekë në Koçan, pasi ra zjarr gjatë një koncerti të një grupi të njohur.

Sipas informacioneve jozyrtare, zjarri ka rënë rreth orës 03:00 të mëngjesit për shkak të përdorimit të mjeteve piroteknike në koncertin ku morën pjesë rreth 1500 persona.

NJOFTIMI I SHKUPIT:

Edhe pse paraprakisht nga familjarët e tij kishim informacione se është mirë, me dhimbje të thellë dhe pikëllim të madh, njoftojmë se futbollisti ynë, Andrej Lazarov, është konfirmuar mes viktimave të zjarrit tragjik që ndodhi gjatë natës në Koçan.

Si një shpirt hero që ishte, Lazarov humbi jetën duke u përpjekur të ndihmojë të tjerët të shpëtojnë nga ambienti i kapluar nga zjarri. Ai u helmua nga tymi gjatë përpjekjeve të tij për të shpëtuar jetë, duke treguar guxim dhe humanizëm deri në momentin e fundit. Veprimi i tij heroik do të mbetet gjithmonë në kujtesën tonë, si një dëshmi e karakterit të tij fisnik dhe zemrës së tij të madhe.

Kjo është një humbje e madhe për klubin tonë, për shokët e ekipit dhe për gjithë komunitetin e futbollit. Fjalët janë të pakta për të përshkruar dhimbjen që ndjejmë në këto momente, në këtë tragjedi prej më të mëdhave në histori që e ka kapluar klubin tonë!

FC Shkupi i shpreh ngushëllimet më të sinqerta familjes së tij, të afërmve dhe gjithë familjes së madhe të klubit tonë.

Adrej ishte vetëm gjashtë muaj pjesë e Shkupit, por emri i tij do të mbetet i pashlyer gjithmonë si pjesë e skuadrës sonë.

Kujtimi për te do të mbetet gjithmonë i paharruar në zemrat tona!





Lajmet e fundit nga