web counter
LEXO PA REKLAMA!

SHKARKO APP

App Store
Google Play

E fundit!

x

Silvinjo jep lajmin e keq, titullari i Kombëtares do t'i nënshtrohet operacionit

15 Mars 2025, 11:22, Sport CNA

Silvinjo jep lajmin e keq, titullari i Kombëtares do t'i

Trajneri i Kombëtares, Silvinjo, dha lajmin e keq për Mario Mitajn. Tekniku kuqezi deklaroi se mbrojtësi do t'i nënshtrohet operacionit.

Ndër të tjera, ai foli edhe për mungesat e tjera në listën për ndeshjet me Anglinë dhe Andorrën.

“Katër lojtarë fatkeqësisht për shkak dëmtimi nuk janë gati dhe do na mungojnë. Mitaj është jashtë prej një muaji e gjysmë. U rikthye në fushë dhe u dëmtua sërish. Do t'i nënshtrohet operacionit. I dyti është Keidi Bare, i cili ka problem në pulpë. Me Hysajn kam folur vetë, mund të jetë gati pas pauzës së kombëtares. Daku gjithashtu vuan nga dëmtimi dhe do të jetë jashtë.

Kemi dëmtime, por edhe në kampin tjetër ka dëmtime. Kjo është diçka që ndodh. Janë dy ndeshje të ndryshme, të vështira. Anglia është një nga ekipet më të forta në botë, kanë një trajner të nivelit të lartë. Të dyja ndeshjet do t'i përgatisim mirë, për t'u përballur me këta dy kundërshtarë.

Në aspektin strategjik për dy ndeshjet e radhës, kemi më tepër lojtarë në krahun e majtë. Seferi ka një rrugëtim të mirë me Kombëtaren, jep gjithçka në fushë. Kemi nisur një vit të rëndësishëm dhe kemi një ëndërr për të shkuar në Botëror. Mund të vijë një pyetje për Mehmetin, por duhet të dinë se sot nuk janë, por në të ardhmen mund të jenë pjesë e ekipit.

Në dy vite i njeh lojtarët dhe mentalitetin. Ne punojmë shumë për të përmirësuar skuadrën. Punojmë për përqendrimin. Na ka ndodhur të humbasim prej mungesës së përqendrimit. Europiani na ka dhënë eksperiencë. Do bëjmë ndryshime të rëndësishme, kryesisht te përqendrimi, por duke mos humbur ekuilibrin”, deklaroi Silvinjo.





Lajmet e fundit nga