web counter
LEXO PA REKLAMA!

SHKARKO APP

App Store
Google Play

Pesë ekipe në Champions/ Kryesojnë Anglia dhe Spanja, ja si mund të përfitojë Italia

12 Mars 2025, 18:56, Sport CNA

Pesë ekipe në Champions/ Kryesojnë Anglia dhe Spanja, ja si mund

Italia po luan shanset e saj të fundit për të siguruar pesë skuadra në edicionin e ardhshëm të Champions League.

Gjithçka varet nga renditja sezonale, e cila përditësohet pas çdo raundi të garave evropiane. Aktualisht, Italia ndodhet në vendin e tretë, pas Anglisë dhe Spanjës, duke u ndëshkuar nga eliminimet e hershme të Bolognas, Juventusit, Milanit dhe Atalantës nga Liga e Kampioneve. Për të siguruar pesë vende në sezonin e ardhshëm të Champions-it, është e domosdoshme që Italia të përfundojë sezonin në dy vendet e para të këtij klasifikimi.

Pavarësisht eliminimit të Liverpulit nga PSG-ja në 1/8-at e Champions Ligë, Anglia kryeson bindshëm dhe ka ende pesë skuadra në garë nga shtatë fillimisht në të gjitha kompeticionet evropiane.

Në vendin e dytë, atë që synon Italia, është Spanja, e cila do të humbasë njërën nga dy skuadrat e Madridit, por mund të mbajë pesë nga shtatë ekipet që e nisën garën.

Italia ndodhet në vendin e tretë, me shpresat që varen nga Inter, Lazio, Roma dhe Fiorentina. Kualifikimi i Interit në çerekfinale pas eliminimit të Feyenoord ka sjellë pikë të rëndësishme, por qëllimi kryesor është që të gjitha skuadrat italiane të arrijnë deri në fazat finale të garave për të siguruar vendin e dytë dhe kualifikimin e një ekipi të pestë në Champions për sezonin e ardhshëm.

Në këtë kontekst, ndeshja mes Athletic Bilbao dhe Romës në 1/8 e Europa League merr një rëndësi të madhe. Verdhekuqtë kanë një avantazh 2-1 pas ndeshjes së parë dhe një kualifikim në çerekfinale do të ishte thelbësor për renditjen e Italisë.

Renditja aktuale e UEFA-s për sezonin 2024/25

                1.            Anglia – 22.178 pikë

                2.            Spanja – 20.177 pikë

                3.            Italia – 19.187 pikë

                4.            Gjermania – 16.921 pikë

                5.            Portugalia – 16.25 pikë

                6.            Franca – 15.57 pikë

                7.            Belgjika – 15.25 pikë

                8.            Holanda – 15.083 pikë

 





Lajmet e fundit nga