web counter
LEXO PA REKLAMA!

SHKARKO APP

App Store
Google Play

VIDEO/ Kapacitet prej 100 mijë vendesh, shikoni stadiumin e ri të Manchester United

11 Mars 2025, 16:33, Sport CNA

VIDEO/ Kapacitet prej 100 mijë vendesh, shikoni stadiumin e ri të

Pas 119 vitesh histori në “Old Trafford”, Manchester United është gati të nisë një kapitull të ri. Klubi ka vendosur të ndërtojë një stadium të ri në të njëjtën zonë, duke sjellë një projekt gjigant që do të tejkalojë çdo impiant futbolli në Mbretërinë e Bashkuar, madje edhe legjendarin “Wembley”. Ky vendim shënon një ndryshim monumental për “Djajtë e Kuq”, të cilët synojnë të krijojnë një arenë moderne, me një kapacitet prej 100 mijë vendesh dhe me një kosto që arrin në rreth 2 miliardë paund.

“Old Trafford” ka qenë prej kohësh një ikonë e futbollit anglez dhe europian. I ndërtuar në vitin 1910, ky stadium ka pritur momente të paharrueshme, nga triumfet legjendare të United në Angli dhe Europë deri te ndeshjet historike të Kupës së Botës dhe Kampionatit Europian. Por vitet e fundit, infrastruktura e tij është vënë në pikëpyetje.

Hyrja e ujit në tribunat e stadiumit dhe problemet me ndërprerjen e konferencave të shtypit kanë nxitur kritika të shumta për gjendjen e tij. Këto shqetësime, së bashku me ndryshimet e mëdha në industrinë e sportit dhe kërkesat për komoditet dhe teknologji më të avancuara, e kanë bërë të domosdoshme një zgjidhje të re për klubin.

 





Lajmet e fundit nga