web counter
LEXO PA REKLAMA!

SHKARKO APP

App Store
Google Play

Nga Mancini, te Conte e Xavi/ Kandidatët për stolin e Juventusit

11 Mars 2025, 19:17, Sport CNA

Nga Mancini, te Conte e Xavi/ Kandidatët për stolin e Juventusit

Dhjetë ndeshje për të mbajtur stolin e Juventusit. Kjo është sfida e madhe me të cilën përballet Thiago Motta në këtë fund sezoni, por e ardhmja e tij mbetet e pasigurt. Edhe pse zyrtarisht klubi nuk ka marrë ende një vendim, Fiorentina dhe stadiumi “Artemio Franchi” duken si një pengesë e rrezikshme në rrugën e trajnerit italian.

Humbja e thellë 4-0 ndaj Atalantës, ka përkeqësuar një krizë që tashmë po zien prej kohësh. Drejtuesit e klubit janë të pakënaqur, tifozët janë të revoltuar, ndërsa atmosfera brenda skuadrës është në pikën më të ulët. Askush nuk është pa faj. Nga lojtarët tek stafi drejtues, të gjithë mbajnë një pjesë të përgjegjësisë për këtë sezon zhgënjyes. Por si gjithmonë, kur situata bëhet e padurueshme, trajneri është i pari që rrezikon të bëhet “koka e turkut”.

E vetmja gjë që mund ta shpëtojë Motvtën është një fund sezoni mbresëlënës, me rezultate bindëse, përmirësim në lojë dhe një mentalitet më të vendosur në fushë. Por edhe kjo nuk është një garanci. Për momentin, askush nuk është i sigurt se Juventusi do ta mbajë trajnerin aktual, pavarësisht se si do të shkojnë ndeshjet e ardhshme.

Në Torino, kanë nisur spekulimet për emrin e pasardhësit të mundshëm të Motës. Fillimisht u përfol Gasperini, trajneri i Atalantës, si kandidati më i mundshëm për të marrë drejtimin e skuadrës në sezonin e ardhshëm. Por lista e nuk përfundon këtu. Emra si De Zerbi, Mancini dhe Xavi janë gjithashtu në diskutim. Dhe natyrisht, nuk mungon Antonio Conte.





Lajmet e fundit nga