web counter
LEXO PA REKLAMA!

SHKARKO APP

App Store
Google Play

E fundit!

x

E bujshme nga Italia/ Agnelli mund të rikthehet në krye të Juventusit, zbulohet lëvizja

12 Mars 2025, 19:36, Sport CNA

E bujshme nga Italia/ Agnelli mund të rikthehet në krye të

Pas një periudhe të vështirë për Juventusin, ku rezultatet kanë qenë larg pritshmërive, një emër i njohur mund të rikthehet në skenë: Andrea Agnelli. Sipas raportimeve nga mediat italiane, ish-presidenti i klubit bardhezi është në bisedime për të marrë sërish drejtimin e ekipit, jo vetëm si president, por edhe si pronar i ri i Juventusit.

Ky lajm ka rindezur shpresat e tifozëve juventinë, të cilët në muajt e fundit kanë shfaqur hapur pakënaqësinë e tyre ndaj administratës aktuale, duke kërkuar një kthesë të menjëhershme. Me Agnellin në krye, klubi përjetoi një epokë të artë, duke dominuar futbollin italian dhe duke garuar fuqishëm në Europë.

Aktualisht, Juventus është në pronësi të Exor, një kompani e kontrolluar nga familja Agnelli, por administruar nga John Elkann, kushëriri i Andrea Agnellit. Vlera e klubit në bursë arrin rreth 1.1 miliardë euro, një shifër e lartë që e bën të vështirë një blerje individuale nga Andrea Agnelli.

Nga Italia thuhet se Agnelli mund të ketë punuar prej muajsh për të formuar një grup investitorësh të fuqishëm, të cilët do ta mbështesin financiarisht në këtë operacion madhor. Çmimi për blerjen e aksioneve të Juventusit brenda Exor përllogaritet të jetë rreth 800 milionë euro, një shumë që do të kërkonte mbështetje nga kapitalistë të rëndësishëm apo fonde investimi. Në ditët apo javët në vijim, pritet të ketë zhvillime konkrete në këtë drejtim.





Lajmet e fundit nga