web counter
LEXO PA REKLAMA!

SHKARKO APP

App Store
Google Play

Torino i kërkon Berishës të gjejë ekip të ri, ka vetëm një shpresë për portierin kuqezi

3 Shkurt 2023, 19:23, Sport CNA

Etrit Berisha nuk ka më vend në radhët e Torinos dhe duhet të gjejë një sistemim të ri. Ideja e qartë e torinezëve për portierin shqiptar,

vazhdon të jetë në fuqi edhe me mbylljen e merkatos së janarit në kampionatet kryesore europiane. Por ka shumë pak kampionate ku merkato është ende e hapur.

Sipas “Tuttosport”, klubi dëshiron të lirohet nga rroga e portierit të kombëtares shqiptare, i cili këtë sezon e ka kaluar plotësisht në stol ose në tribunë.

Ai përfiton 800 mijë euro në vit te torinezët dhe kontrata e tij vazhdon deri në qershorin e vitit 2024. Në këtë situatë, Torino kërkon të shpëtojë nga kjo barrë ekonomike pasi nuk e cilëson portierin pjesë të planeve.

Të njëjta burime theksojnë se po shihet me intensitet tregu në kampionatin turk ku merkato është ende e hapur, për t’i gjetur një sistemim atje portierit

i cili kërkon të aktivizohet. Objektivi është që të sigurohet minimalisht një huazim e ndoshta një shitje përfundimtare e kartonit të tij.





Lajmet e fundit nga