web counter
LEXO PA REKLAMA!

SHKARKO APP

App Store
Google Play

E fundit!

x

Bilanci i merkatos, Tirana dhe Partizani "fotokopje" në lëvizje

3 Shkurt 2023, 14:28, Sport CNA

Bilanci i merkatos, Tirana dhe Partizani "fotokopje" në

Janari konsiderohet si periudha ku skuadrat rregullojnë gabimet e hasura në pjesën e parë të sezonit, por ky janar më shumë se riparues disa prej ekipeve të "Abissnet Superiore" i ka dobësuar ndjeshëm. Dy skuadrat e kryeqytetit humbën nga tre lojtarë shumë të rëndësishëm.

Partizani duhet të bëjë në vijim pa shënuesin më të mirë të ekipit, Xhuljano Skukën, i cili u transferua në Francë te Metz, pa kapitenin Eneo Bitri, i cili kaloi në Çeki te Banik Ostrava dhe pa fantazistin Arinaldo Rrapaj, i cili do të jetë pjesë e gjigantëve bullgarë të Ludogorets.

Tri largime të rëndësishme që natyrisht i dobësojnë të kuqtë. Në anën tjetër, edhe Tirana humbi Redon Xhixhën, i cili me 11 gola ishte shënuesi më i mirë i kampionatit. 24-vjeçari zgjodhi të vijojë karrierën te Qarabag në Azerbajxhan, kapiteni Marsel Ismajlgeci shkoi te Zrinjski në Bosnje, ndërsa edhe Vesel Limaj, i cili mbante numrin 10, u largua drejt Rumanisë tek ekipi i Hermnestadt.

Bardheblutë humbën dhe Sherif Kallakun, i cili u rikthye te Teuta, ashtu siç “Demat” larguan Matej Cvetanovskin. Sa u takon afrimeve, të kuqtë siguruan shërbimet e Christian Mba duke paguar 180 mijë euro te Trepca '89, ndërkohë që Tirana afroi Kristal Abazajn duke i ofruar një kontratë të majme.

Sa u takon lëvizjeve të tjera, Partizani mori krahas sulmuesit nigerian edhe Fabian Shahajn, Sabit Bilalin, Mario Beshirajn e Remzifaik Selmanin, ndërsa te bardheblutë përveç Abazajt u prezantuan edhe Regi Lushkja e Rimal Haxhiu.

Deri në këtë pikë të kampionatit, Partizani dhe Tirana duken dy skuadrat pretendente për titullin kampion, ndërkohë që në merkaton e janarit mund të thuhet se kanë qenë në të njëjtin nivel. Dueli i tyre në merkato duket i ekuilibruar, ashtu siç pritet dhe lufta për titullin kampion.





Lajmet e fundit nga