E fundit!

14:59 Denoncim

Banorët e fshatit Gjashtë në Sarandë në “alarm”/ Shtylla elektrike, rrezik i vazhdueshëm

Një denoncim nga banorët e fshatit Gjashtë të Sarandës ka ...

Tirana nuk dorëzohet për mbrojtësin që e ka kërkuar nga fillimi, Lushkja rrezikon

7 Korrik 2023, 08:52, Sport CNA

Tirana nuk dorëzohet për mbrojtësin që e ka kërkuar nga

Tirana vazhdon të mendojë për të afru ar lojtarë. Sërish në orbitën e bardhebluve mund të jetë ish-kapiteni i Shkëndijës, Egzon Bejtullai. Lojtari është pa skuadër dhe pëlqehet shumë nga drejtuesit e skuadrës bardheblu. Ai së bashku me Hoxhallarin dhe Najdovskin mund të jenë një treshe shumë e fortë për Superioren. Mes palëve ka pasur diskutime të gjata, por gjërat janë në ajër.

Për shërbimet e mbrojtësit është interesuar dhe Partizani. Dinamoja ka tentuar ta marrë, por lojtari e ka refuzuar skuadrën blu. Gjithsesi, duhet parë se çfarë do të ndodhë në orët në vazhdim. Bardheblutë si fillim duhet të zgjidhin çështjen e Obanorit. Lojtari ka firmosur me skuadrën bardheblu, por klubi nuk e sheh në planet e tij dhe me shumë mundësi lojtari nuk do të vazhdojë me Tiranën. Gjithsesi, largimi i Obanorit mund të mbajë peng afrimin e Bejtullait te Tirana. Lojtari luan në të katër pozicionet e repartit të mbrojtjes. Bejtullai prej kohësh ka qenë pjesë e skuadrës së Shkëndijës dhe kombëtares, në radhë të parë te të rinjtë e më pas edhe te seniorët. Lojtari ka provuar një tentativë ndërkombëtare në Suedi, me ekipin e Helsingborgut, e cila zgjati shumë pak.

LUSHKJA – Te Tirana vazhdojnë lëvizjet, madje edhe në formacion. Një lojtar që ka humbur fanellën e titullarit është Regi Lushkja. Lojtari ka qenë i dëmtuar dhe po riaftësohet, por nga ana tjetër vendin e titullarit e ka fituar Ardit Hila. Lojtari elbasanas është në formë dhe do të jetë titullar dhe ka spostuar në stol Lushkjën. Nga ana tjetër, Lushkja ndoshta nuk do të pranojë stolin në të ardhmen. Gjërat pritet të shihen. Fakt është se Lushkja ishte një nga blerjet e mëdha të janarit të Tiranës dhe padyshim një lojtar me vlera, por ende nuk ka dhënë atë që pritej te Tirana. Klubi kërkon më shumë nga lojtari, i cili ishte një investim i madh në merkaton e mëparshme. Të shohim se si do të shkojnë gjërat mes palëve.

AFRIMET – Fakt është që Erjon Hoxhallari ishte afrimi i 7-të i Tiranës, në këtë merkato vere, edhe pse Obanori do të ikë. Ish-kapiteni rikthehet kështu te bardheblutë pas aventurës në elitën e futbollit rumun te skuadra e UTA Arad.