web counter
LEXO PA REKLAMA!

SHKARKO APP

App Store
Google Play

E fundit!

x

Goditje e trefishtë në merkato/ Teuta prezanton Filin, Krujën dhe sulmuesin e larguar nga Tirana

6 Korrik 2023, 18:20, Sport CNA

Teuta duket se ia ka bërë “bam” në këtë merkato vere. Durrsakët kishin rënë në qetësi sa i përket hyrje-daljeve në skuadër. Megjithatë tashmë ka nisur puna intensive teksa së fundmi, “Djemtë e Detit” kanë prezantuar tre lojtarë.

Bëhet fjalë për Realdo Filin, Arsid Krujën dhe Aldi Gjumsin. Të tre futbollistët janë prezantuar në kanalet zyrtare të klubit. Fili vjen nga një aventurë jashtë vendit, kurse Kruja ishte sezonin e shkuar pjesë e Vllaznisë së Shkodrës. Sa i përket Gjumsit, në sezonin e fundit ishte pjesë e Tiranës.

NJOFTIMET E KLUBIT:

Teuta ka kënaqësinë të njoftojë se mesfushori i djathtë, Arsid Kruja është zyrtarisht pjesë e skuadrës sonë. Klubi ynë ka arritur ditën e sotme një marrëveshje me lojtarin 30 vjeçar, i cili vjen te Teuta pas paraqitjeve shumë të mira në ekipin e Vllaznisë. KF Teuta i uron mirëseardhje mesfushori ArsidKruja dhe i uron shumë suksese me fanellën e klubit tonë.

 Teuta ka kënaqësinë të njoftojë se sulmuesi, Realdo Fili është zyrtarisht pjesë e skuadrës sonë. Klubi ynë ka arritur ditën e sotme një marrëveshje 1 vjeçare me lojtarin 27 vjeçar, i cili vjen te Teuta pas paraqitjeve shumë të mira në ekipin e Çernomorets Odesa në Ukrainë. KF Teuta i uron mirëseardhje sulmesit Fili dhe i uron shumë suksese me fanellën e klubit tonë.

Teuta ka kënaqësinë të njoftojë se sulmesi anësor, Aldi Gjumsi është zyrtarisht pjesë e skuadrës sonë. Lojtari bashkohet me Teuten pasi, ishte pjesë e Tiranës në sezonin e fundit. Pas arritjes së marrëveshjes dhe zyrtarizimit të bashkëpunimit, Gjumsi, nga sot është bashkuar me skuadrën në Durres ku po zhvillohen përgatitjet për edicjoni e ri ne superlig.





Lajmet e fundit nga