LEXO PA REKLAMA!

SHKARKO APP

E fundit!

x

Tirana humbet një tjetër titullar, shitet për 150 mijë euro

23 Janar 2023, 12:33, Sport CNA

Marsel Ismajlgeci nuk është më lojtari i Tiranës. Kapiteni është larguar nga ekipi dhe do të transferohet në Bosnjë-Hercegovinë tek ekipi i Zrinjski Mostar, skuadër me të cilën Tirana u përball në eliminatoret e Europa Conference League, raporton "SuperSport". Nga ky transferim, Tirana do të përfitojë 150 mijë euro.

Ismajlgeci është largimi i dytë i rëndësishëm nga kampionët e Shqipërisë pas Redon Xhixhës, i cili do të vijojë karrierën në Azerbajxhan te Qarabag.

22-vjecari është produkt i akademisë së Tiranës dhe që prej sezonit 2020/2021 ka qenë titullar i padiskutueshëm për bardheblutë, duke dhënë kontributin e tij në fitimin e titullit kampion.

Edhe këtë sezon Ismajlgeci ka luajtur 16 sfida dhe largohet duke e lënë Tiranën në vendin e parë të renditjes me një pikë më shumë se vendi i dytë që mbahet nga Partizani.

Tirana është mjaft aktive në merkato, teksa ka zyrtarizuar afrimin e Regi Lushkjës dhe Kristal Abazajt. Ndërkohë, nga ekipi është larguar Sherif Kallaku dhe pritet vetëm zyrtarizimi i Redon Xhixhës dhe Marsel Ismajlgecit si largimet e radhës nga bardheblutë.

Lajmet e fundit nga