E fundit!

07:30 Horoskopi

Horoskopi i ditës, e mërkurë 15 korrik 2026

Dashi Ruani qetësinë në marrëdhënie dhe shmangni reagimet...

“Tifozët do të jenë një faktor i rëndësishëm”, Lako: Skënderbeu-Flamurtari zgjon kujtime, ndeshje prestigji

6 Nëntor 2022, 18:27, Sport CNA

Stavrion Lako

Ishte 7 qershori i 2020-ës, kur Skënderbeu luante dhe fitonte për të fundit herë me Flamurtarin. Gati 29 muaj më pas, skuadrat ritakohen.

Atë edicion vlonjatët ranë, por këtë sezon u janë bashkuar edhe korçarët. Dy klube që dikur garonin për titullin në elitë, sot militojnë në Kategorinë e Parë. Kujtimet që kjo përballje sjell janë të mëdha dhe pa frikë mund të themi që është një ndeshje që do ta kishte zili edhe “Abissnet Superiore”. Sfida e së hënës vjen si një “derbi” në këtë ligë edhe kjo për shkak të konkurrencës së dikurshme. Për Skënderbeun mbetet një tregues force dhe një ndeshje që nuk duhet humbur.

I këtij mendimi është Stavrion Lako. Ish-kapiteni i bardhekuqve e sheh një ndeshje tejet të luftuar, por mbi të gjitha një takim prestigji për këtë kategori dhe një ndeshje që kurrsesi nuk duhet humbur nga korçarët. Gjatë një deklarate të dhënë enkas për “Panorama Sport”, ai vlerëson maksimalisht kundërshtarin, por mendon se ekziston një formë për t’i ndalur.

“Skënderbeu-Flamurtari të sjell kujtime të paharrueshme dhe flasim për një kohë që të gjithë e mbajmë mend. Të kthen në Superiore dhe tek ato duelet e forta që kemi pasur në vitet e shkuara. Kam pasur fatin t’i shijoj ato ndeshje dhe sa herë që i sjell në mend më krijojnë emocione. Por këtë herë është diçka ndryshe. Normalisht emocionet dhe qasja e këtij takimi janë diçka madhore, por janë dy ekipe që do të luftojnë për kalimin direkt në elitë dhe do të jetë një ndeshje e luftuar. Jam i bindur se asgjë nuk vendoset në këtë takim, por është një ndeshje prestigji që kush e fiton merr një tjetër status në kampionat”, theksoi fillimisht 42-vjeçari, i cili më pas vijoi me analizën e tij.

“Unë e njoh shumë mirë filozofinë e Migen Memellit dhe e kam ndjekur se si punon në stërvitje. Nga sa e njoh, e sigurt që kjo është një ndeshje që nuk do ta humbë kurrsesi. Prandaj mendoj se Skënderbeu duhet të diktojë takimin nga fillimi në fund. Presingu për topin e parë dhe asfiksimi i brazilianëve që janë pika e fortë e Flamurtarit duhet të jenë parësorë nëse kërkojnë fitoren. I bindur që Skënderbeu i ka elementët e duhur për t’ia dalë mund të them se shoh favoritë korçarët. Ndërkohë që tifozët do të jenë një faktor i rëndësishëm, ndaj i ftoj të jenë të shumtë në numër”, përfundoi Lako.