web counter
LEXO PA REKLAMA!

SHKARKO APP

App Store
Google Play

Tension te Milani, Ibra drejt largimit

20 Mars 2025, 17:36, Sport CNA

Tension te Milani, Ibra drejt largimit

Zlatan Ibrahimoviç, i njohur për natyrën e tij dominuese si në fushë ashtu edhe jashtë saj, Këshilltari i Lartë i Fondit “RedBird” te Milani prej dy vitesh. Megjithatë, me kalimin e kohës, duket se roli i tij brenda klubit është zvogëluar ndjeshëm, duke sjellë një tension të ri mes tij dhe drejtuesve të klubit.

Kur u rikthye në “Casa Milan”, Ibra e përkufizoi veten si personi që vendos gjithçka, një deklaratë tipike e tij, që nënkuptonte se ai kishte një peshë të madhe në vendimmarrje. Megjithatë, realiteti duket se është ndryshe.

Në javët e fundit, suedezi është distancuar gjithnjë e më shumë nga skuadra, duke mos u shfaqur në “Milanello”, madje edhe në një periudhë ku shumë lojtarë janë larguar për të luajtur me kombëtaret e tyre. Fillimisht u tha se ai ishte i sëmurë, por fakti që edhe pas disa javësh mungon pranë skuadrës, tregon se mund të ketë një problem më të thellë midis tij dhe drejtuesve të klubit.

Një nga arsyet kryesore të tensionit është fakti që Ibra nuk është përfshirë në procesin e zgjedhjes së drejtorit të ri sportiv. Pronari i klubit, Gerry Cardinale, vendosi që vetëm Xhorxhio Furlani të merrte pjesë në takimet vendimtare, duke anashkaluar plotësisht suedezin.

Vendimet e fundit të klubit nuk kanë qenë në përputhje me vizionin e tij, gjë që ka shtuar edhe më shumë pakënaqësinë e tij.

Thashethemet për një largim të tij në fund të sezonit po shtohen dita-ditës. Emrat që po qarkullojnë për postin e drejtorit sportiv nuk janë ata që ai do të dëshironte, duke krijuar edhe më shumë përçarje.

Marrëdhënia mes Ibrës dhe Milanit duket se po shkon drejt një fundi të pashmangshëm. Mosmarrëveshjet e brendshme, pakënaqësia e tij me rolin që i është caktuar dhe kritikat nga tifozët, të gjitha tregojnë se epoka e tij si këshilltar i klubit mund të mbyllet shumë shpejt.





Lajmet e fundit nga