E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Rezultatet negative, Motta merr ultimatumin te Juventusi

19 Mars 2025, 21:15, Sport CNA

Thiago Motta i ka shpëtuar shkarkimit të menjëhershëm pas disfatës në Firence, por e ardhmja e tij te Juventusi nuk është e sigurt. Nëse dëshiron të sigurojë të ardhmen e tij në stolin e Zonjës së Vjetër, ai duhet të bëjë një kthesë të menjëhershme në drejtimin e ekipit. Dhe gjithçka nis me sfidën e ardhshme ndaj Genoas, një ndeshje vendimtare në "Allianz Stadium", pas rikthimit nga ndërprerja e kampionatit.

Drejtuesit e Juventusit, me Cristiano Giuntolin në krye, kanë qenë të qartë pas humbjes së rëndë 3-0 ndaj Fiorentinës, duke kërkuar ndryshim kursi, në të kundërt shkarkimi i trajnerit është i pashmangshëm. Për të kthyer situatën në favor të tij, Motta ka marrë edhe udhëzime specifike teknike, duke i dhënë fund eksperimentimeve dhe vendimeve të çuditshme të formacionit që kanë shkaktuar polemika të mëdha.

Në Torino, vendi i katërt në kampionat shihet si objektivi më i rëndësishëm, madje më i rëndësishëm se çdo trofe tjetër përveç titullit të Serisë A. Kjo do të thotë që s’ka më hapësirë për prova të panevojshme, rotacione të pakuptimta dhe vendime të paarsyetuara. Juventusit i duhet të rikthehet te logjika dhe qartësia, duke vendosur në fushë lojtarët më të mirë në rolet e tyre natyrale.

Dhe ndryshimi më i madh fillon nga sulmi. Dusan Vlahoviç duhet të rikthehet në qendër të projektit. Ai është një aset i rëndësishëm për klubin, jo vetëm nga ana sportive, por edhe ekonomike. Përjashtimi i tij nga formacioni në ndeshjet ndaj Atalantës dhe Fiorentinës ka kontribuar në mungesën totale të golave në këto dy sfida. Përkrah Vlahoviçit, do të vendoset Kolo Muani, ndërsa në formacion do të rikthehet edhe Kenan Yildiz. Ky i fundit, pavarësisht se iu besua fanella me numrin 10 në fillim të sezonit, është lënë në hije nga trajneri në javët e fundit. Rikthimi i tij pritet të sjellë më shumë fantazi dhe freski në repartin ofensiv.