E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

Shqipëria me skemën 5-4-1? Silvinjo përgatit “kurthin” për Anglinë

20 Mars 2025, 10:37, Sport CNA

Shqipëria me skemën 5-4-1? Silvinjo përgatit

Kombëtarja shqiptare po përgatit një nga sfidat më të rëndësishme dhe më të vështira në eliminatoret e Botërorit 2026, atë ndaj Anglisë. Trajneri Silvinjo po shqyrton mundësinë e ndryshimit të skemës për këtë sfidë, duke kaluar në një formacion me pesë mbrojtës për të përballuar fuqinë sulmuese të “Tre Luanëve”.

Në konferencat për shtyp, Silvinjo ka theksuar vazhdimisht se ai e përshtat lojën e ekipit sipas kundërshtarit. Në këtë rast, Anglia është një ekip me një sulm të frikshëm dhe një lojë të bazuar te fuqia fizike dhe shpejtësia.

Një nga aspektet ku Shqipëria ka një avantazh të lehtë është shtatlartësia e mbrojtësve, ndaj vendosja e tre qendërmbrojtësve do të ndihmonte në neutralizimin e goditjeve me kokë dhe dueleve ajrore, të cilat janë një nga armët kryesore të Anglisë.

Nëse Silvinjo vendos të eksperimentojë me këtë skemë, atëherë rreshtimi në fushë pritet të jetë një 5-4-1, ku mbrojtja do të ketë një rëndësi thelbësore.

Shqipëria me skemën 5-4-1? Silvinjo përgatit

Gjimshiti, Kumbulla dhe Ajeti priten të formojnë boshtin mbrojtës. Të tre janë lojtarë me përvojë në mbrojtjen e fortë dhe kanë aftësi të mira në duelet ajrore.

Ivan Balliu në të djathtë është i padiskutueshëm, ndërsa në të majtë vendi i titullarit është ende në balotazh mes Hadrojit dhe Alijit.

Jasir Asani është një nga pikat kyçe të Shqipërisë në fazën sulmuese dhe ka vendin e sigurt në formacion në anën e djathtë.

Në të majtë pritet Nedim Bajrami, një lojtar kreativ, i cili do të mundohet të ndihmojë edhe në fazën mbrojtëse kur ekipi të jetë nën presion. Kristjan Asllani dhe Ylber Ramadani do të formojnë një dyshe të fortë në qendër, e cila do të ketë si detyrë të ndërpresë aksionet e Anglisë dhe të mbështesë sulmin me pasime të sakta.

Në vijën e parë do të luajë Rei Manaj ose Myrto Uzuni, të cilët po kalojnë një formë të mirë në klubet e tyre. Armando Broja, për shkak të mungesës së minutave në klub, ka pak gjasa ta nisë si titullar, por mund të aktivizohet në pjesën e dytë, duke qenë se ka përvojë në futbollin anglez.

Nëse Silvinjo vendos të mos ndryshojë nga formacioni i përdorur më parë, atëherë do të mbetet skema 4-3-3, me ndryshimin e vetëm që një nga tre qendërmbrojtësit do të ulet në stol dhe në vend të tij do të aktivizohet Qazim Laçi në mesfushë.Kjo skemë mund të funksionojë më mirë për fazën sulmuese, por do ta bënte më të vështirë mbrojtjen ndaj Anglisë, sidomos në duelet ajrore dhe në fazën mbrojtëse të tranzicionit.