web counter
LEXO PA REKLAMA!

SHKARKO APP

App Store
Google Play

E fundit!

x

Spanjë-Angli, luhet edhe për historinë

14 Korrik 2024, 12:07, Sport CNA

Spanjë-Angli, luhet edhe për historinë

Finalja e Europianit, mes Spanjës dhe Anglisë, përveç trofeut të madh, luhet edhe për historinë. Cilado kombëtare të fitojë, do të shkruajë emrin e saj në këtë turne.

Spanja ka fituar tre trofe të Europianit dhe me një sukses sot, do të bëhej përfaqësuesja më e suksesshme, me një trofe më shumë të fituar sesa Gjermania. Do të ishte hera e katërt për spanjollët që triumfojnë në turneun e Europianit.

Sa i përket Anglisë, kombëtarja e “Tre Luanëve” do të bëhej kampione e trofeut kontinental për herën e parë në histori.

Për të mbërritur deri në finale, Spanja ka pasur një rrugëtim të jashtëzakonshëm. Iberikët kanë regjistruar gjashtë fitore, në po kaq ndeshje, ndërsa me triumfin në finale, do të bëheshin 7 fitore, si asnjëherë më parë.

Anglia ka ardhur ndryshe, ka pasur vështirësi dhe e kaloi me vështirësi çdo ndeshje të fazës me eliminim direkt.

Spanja ka fituar Europianin në vitet 1964, 2008 dhe 2012. Përgjatë kësaj periudhe, spanjollët kanë fituar edhe një Kupë të Botës në vitin 2010. Spanja e kaloi fazën e grupeve pa pësuar asnjë gol, ndërsa në fazën me eliminim direkt, hasën pak vështirësi ndaj Francës dhe Gjermanisë.

Anglia nga ana tjetër kishte një fitore e dy barazime në fazën e grupeve. Ishte vetëm disa sekonda larg eliminimit nga Sllovenia, ndërsa kaloi Zvicrën pas penalltive.

Në vitin 2021 ishte hera e parë kur Anglia iu afrua më shumë trofeut të Europianit, duke shkuar deri në finale. Tjetër mundësi për triumf do të kenë të dielën. Në rast të fitores, për Anglinë do të ishte trofeu i dytë madhor pas 58 vjetësh, pas atij të vitit 1966, kur e fitoi Kupën e Botës.





Lajmet e fundit nga