web counter
LEXO PA REKLAMA!

SHKARKO APP

App Store
Google Play

E fundit!

x

Finalja e Europianit/ De La Fuente: Jam gladiator, nuk ndryshon asgjë edhe nëse fitojmë

14 Korrik 2024, 10:25, Sport CNA

Finalja e Europianit/ De La Fuente: Jam gladiator, nuk ndryshon asgjë edhe

Trajneri i Spanjës, Luis De La Fuente, u shfaq besimplotë për një sukses të mundshëm të skuadrës së tij në finalen e madhe të Europianit, atë ndaj Anglisë.

De La  Fuente, deklaroi se sfida si kjo mund të fitohen edhe duke luajtur keq, prandaj kërkoi nga ekipi i tij vlerësim maksimal.

Numri 1 i stolit të iberikëve e quajti veten si një gladiator dhe theksoi se asgjë nuk do të ndryshojë për të, edhe nëse fiton trofeun.

"Është një ndeshje shumë e fortë. Ne e dimë se Anglia ka potencial fantastik futbolli dhe mund të bëjë një rikthim të madh. Ne duhet të përballemi dhe të shohim se kush fiton dhe kush bën më pak gabime. Edhe nëse ndeshja është shumë më e keqe, sërish mund ta fitosh kështu që duhet të jemi plotësisht të përqendruar te kjo lojë. Nëse fitojmë, nuk do të ndryshojë gjë për mua. Gjërat i kam shumë të qarta prej kohësh. Unë jam një gladiator. Unë kam ardhur këtu duke luftuar dhe do të vlerësoj atë arritje siç kam vlerësuar çdo gjë që më kanë sjellë deri këtu."

De La Fuente u shpreh se nuk është dakord me shprehjen që finalet janë vetëm për tu fituar, ndërsa vlerësoi maksimalisht kundërshtarin, duke thënë se lojtarët dhe ai vetë e respektojnë Anglinë.

"Unë nuk jam dakord që finalet janë vetëm për t’u fituar. Ne jemi të përgatitur të luftojmë dhe të luftojmë për të fituar. Kujtesa është e brishtë dhe mosmirënjohëse për finalistët, por vlera jonë dhe krenaria jonë është të arrijmë tashmë këtu dhe me mënyrën se si ia kemi dalë ka vlerë më të madhe. Sigurisht që ne jemi të përgatitur mendërisht për të fituar dhe do të shkojmë për këtë, por nuk jam dakord me mënyrën se si trajtohen ata që nuk fitojnë. Ne qëndrojmë të qetë dhe e dimë që nuk ka favorit, se është një ndeshje shumë e barabartë. E dimë që nëse nuk jemi mbi nivelin e ndeshjeve të fundit nuk do të kemi shanse për të fituar. Skuadra dhe unë kemi respekt për rivalin tonë.", deklaroi tekniku spanjoll. 

Spanja dhe Anglia do të përballen mes tyre, për trofeun e madh të Europianit, mbrëmjen e kësaj të diele, në kryesqytetin e Berlinit.





Lajmet e fundit nga