web counter
LEXO PA REKLAMA!

SHKARKO APP

App Store
Google Play

Nuk presin rezultatin e finales, tek Anglia marrin vendimin për Southgate

12 Korrik 2024, 13:02, Sport CNA

Nuk presin rezultatin e finales, tek Anglia marrin vendimin për Southgate

Trajneri Gareth Southgate ka qenë një nga më të kritikuarit në këtë Europian, për shkak të paraqitjeve të treguara nga Anglia.

Kombëtarja e "Tre luanëve" nuk ka bindur me lojë, por pavarësisht kësaj, ata kanë siguruar pjesëmarrjen në finalen e madhe, për të dytën herë radhazi.

Kritikat e shumta nuk e kanë shqetësuar timonierin anglez, që ka pasur mbështetjen e federatës dhe rezultatet flasin në favor të tij.

Trajnerit i përfundon kontrata në fund të muajit dhjetor, ndërsa një muaj më parë, u tha se bisedimet për të ardhmen do të zhvillohen pas Europianit.

Megjithatë, te Federata Angleze janë të bindur se Southgate është i duhuri për stolin dhe kanë gati kontratën e re.

Sipas raportimeve nga mediat britanike, për trajnerin është bërë gati rinovimi, pavarësisht nëse e fiton Europianin apo jo. Kualifikimi në finale duket si arritje e madhe në Angli dhe duan të vazhdojnë bashkëpunimin mes tyre.

Vetë trajneri, para Europianit, deklaroi se në rast dështimi mund të largohet nga drejtimi i Anglisë.

“Nëse nuk fitojmë, ndoshta nuk do të jem më këtu. Pra, ndoshta është shansi i fundit. Mendoj se rreth gjysma e trajnerëve kombëtarë largohen pas një turneu, kjo është natyra e futbollit ndërkombëtar. Unë kam qenë këtu pothuajse tetë vjet”, deklaroi Southgate.

Ndeshja finale e Eurpianit, mes Spanjës dhe Anglisë, do të luhet të dielën e 14 korrikut.





Lajmet e fundit nga