web counter
LEXO PA REKLAMA!

SHKARKO APP

App Store
Google Play

E fundit!

x

Sot, finalja e Europianit/ Spanja dhe Anglia “përplasen” për trofeun e madh

14 Korrik 2024, 10:24, Sport CNA

Sot, finalja e Europianit/ Spanja dhe Anglia “përplasen”

Momenti vendimtar mbërriti! Mbrëmjen e kësaj të diele, do të luhet finalja e "Euro 2024", ku do të vendoset edhe kampionia e Europës për katër vitet e ardhshme.

Përballë njëra-tjetrës, vendosen Spanja dhe Anglia, dy kombëtare që kanë bërë histori në futbollin botëror.

Në stadiumin “Olimpia shtadion” të Berlinit, spektakli dhe lufta sportive janë të garantuara. Në një ndeshje si kjo e sotmja, është e vështirë për të zgjedhur një favorit, pasi të dyja ekipet kanë shanse të barabarta për të marrë trofeun.

Rrugëtimi për në finale, nuk ishte i lehtë për Spanjën. Pas kalimit të grupit ku ndodhej me Shqipërinë, Kroacinë e Italinë, iberikët në 1/8-at eliminuan Gjeorgjinë, në çerekfinale Gjermaninë, ndërsa në gjysëmfinale Francën. Në anën tjetër Anglia eliminoi Sllovakinë, Zvicrën dhe Holandën.

“Furia e Kuqe” e ka fituar tri herë Kampionatin Evropian dhe do të kërkojë trofeun e katërt në histori, ndërsa ”Tre Luanët” nuk e kanë fituar asnjëherë, ndërsa suksesin më të madh e kishin në vitin 2021, ku u mposhtën në finale nga Italia, pikërisht në vendin e tyre.

Spanja do të synojë ta rikthejë në shtëpi trofeun që i mungon që prej vitit 2012 kur mposhtën Italinë në finale, ndërsa Anglia për të bërë historinë dhe për ta fituar për herë të parë.

Larg futbollit brilant dhe e shpëtuar nga Belingam kundër Sllovakisë dhe Uotkins në gjysmëfinale kundër Holandës, Anglia ka ecur në buzë të humnerës deri në finale, por ka arritur të jetë në Berlin.

Sa i përket Spanjës, kombëtarja e drejtuar nga De La Fuente, i ka mahnitur të gjithë këtë edicion, teksa ka bindur me lojë dhe me rezultate.

Ndeshja mes Spanjës dhe Anglisë, është planifikuar të luhet mbrëmjen e kësaj të diele, duke nisur nga ora 21:00.





Lajmet e fundit nga