web counter
LEXO PA REKLAMA!

SHKARKO APP

App Store
Google Play

E fundit!

x

VIDEO/ Gjashtë gola në gjashtë ndeshjet e fundit, Vrioni nuk ndalet së shënuari

14 Korrik 2024, 11:41, Sport CNA

VIDEO/ Gjashtë gola në gjashtë ndeshjet e fundit, Vrioni nuk

Sulmuesi shqiptar, Giacomo Vrioni, nuk ndalet së shënuari. 25-vjeçari po kalon një moment të artë në Major League Soccer në SHBA, aty ku është pjesë e New England Revolution.

Vrioni ishte autori i golit të vetëm për skuadrën e tij, në humbjen me rezultatin 3-1 ndaj Orlando City.

Shqiptari zhbllokoi sfidën në minutën e 23-të, për t’i dhënë avantazhin New England. Vrioni shfrytëzoi në maksimum një pasim të marrë në zonë nga Jones dhe i vetëm me portierin, nuk e kishte të vështirë për të shënuar.

Pjesa e parë u mbyll me këtë rezultat, ndërsa e dyta ishte histori tjetër, me Orlando-n që shënoi tri herë.

Sa i përket Vrionit, goli i fundit ishte i gjashti në gjashtë ndeshjet e fundit. Sulmuesi duket në formë të jashtëzakonshme, ndërsa ka realizuar tetë herë për këtë sezon.

Ky është sezoni më i mirë për 25-vjeçarin në SHBA, aty ku u transferua dy vite më parë nga austriakët e Tirol.

Me formën e treguar, Vrioni shpreson të ketë një ftesë nga trajneri i Shqipërisë, Silvinjo, për ndeshjet e muajit shtator, në Ligën e Kombeve.

Në karrierën e tij, sulmuesi ka qenë edhe pjesë e Juventusit, si pjesë e ekipit U-23, ndërsa u grumbullua edhe me skuadrën e parë për disa ndeshje.

 





Lajmet e fundit nga