web counter
LEXO PA REKLAMA!

SHKARKO APP

App Store
Google Play

Skënderbe sulmues ndaj Dinamos, Gvozdenoviç ka gati formacionin

12 Shkurt 2023, 09:43, Sport CNA

Nisur nga takimi me presidentin dhe objektivat që Skënderbeu ka për këtë sezon, duket se do të ndryshojë edhe qasja që korçarët do t’i bëjnë këtij takimi kaq delikat dhe të rëndësishëm me Dinamon. Në kushtet kur edhe objektivat janë maksimalë dhe kërkesa është tejet specifike për të mbajtur të hapur garën për vendin e parë.

Ndaj edhe për këtë duket se korçarët do të rikthejnë vetëm për këtë takim imazhin e Skënderbeut të madh, që shkon në çdo ndeshje për të marrë maksimumin. Gvozdenoviç është i gatshëm të bëjë një hap të tillë, ndaj edhe provat e formacionit duket se po bëhen shumë herë më ndryshe se në ndeshjen e fundit.

Me Rapën gati të rikuperuar dhe me shumë mundësi të përfshirë në formacionin që do të startojë ndeshjen ndaj Dinamos, korçarët janë gati për një rreshtim ultraofensiv në ndeshjen e radhës. Nga një rreshtim 4-1-4-1, bardhekuqtë po provojnë të zbresin në fushë me skemën 4-3-2-1, për t’u dhënë më shumë mundësi aftësive sulmuese të lojtarëve që kanë në përbërje.

Një skemë që tregon qartazi se korçarët do të kërkojnë me çdo kusht të fitojnë takimin e së hënës, për të rihapur kampionatin dhe për të pasur objektiv kryesor vendin e parë në renditje.





Lajmet e fundit nga