SKANDALI/ Uli Hënes, i bindur se Mateus po përpiqet të sabotojë Bajernin e Mynihut…

13 Qershor 2023, 12:25, Sport CNA

SKANDALI/ Uli Hënes, i bindur se Mateus po përpiqet të

Uli Hënes dyshon se ish-lojtari i Bajernit, Lotar Mateus, ka nxjerrë informacione konfidenciale nga brenda klubit. Aktualisht, ish-fituesi i “Topit të Artë” është bërë analist televiziv, por filloi të publikonte gjithnjë e më shumë strategjitë e kampionëve gjermanë.

Madje, gjatë gjithë këtij sezoni, ish-mesfushori i bavarezëve nuk është përmbajtur dhe ka kritikuar shumë ashpër Bajernin, por edhe ka “lëshuar” disa informacione për largime të mundshme. Ish-presidenti i klubit të Mynihut nuk ka duruar më dhe ka njoftuar Mateusin se nuk do të ketë më akses në informacione brenda klubit.

"Në 12 muajt e ardhshëm, Lotari do të marrë gjithnjë e më pak informacion, sepse ne do t'i ndërpresim burimet e tij”,- tha Uli Hënes.

“Nuk kam marrë asnjë informacion nga FC Bajerni. Unë shoh se çfarë po ndodh në terren, flas me njerëzit. Unë flas për atë që perceptoj. Por unë nuk kam marrë asgjë. Kjo deklaratë e Hënes është e pakuptimtë, më fal. Po ashtu shoh që skuadra nuk po funksionon apo disponimi është i keq”,- tha ish-lojtari i kombëtares gjermane.

Ish-fituesi i “Topit të Artë” është i bindur se disa lojtarë të rëndësishëm do të largohen nga skuadra bavareze. “Unë mendoj se katër ose pesë lojtarë do të largohen nga FC Bajerni. Dhe mund të jetë dikush që askush nuk e pret. Edhe një ndërkombëtar gjerman. Çfarë do të ndodhë me Joshua Kimishin, i cili dëshpërimisht dëshiron të luajë si numri gjashtë?

A qëndron Leon Gorecka? Çfarë planesh kanë Tomas Tuhel dhe drejtuesit e klubit me Leroi Sanenë, Serzh Gnabrin, Marcel Sabicer, Rajan Gravenberk dhe Alfonso Dejvis? Shumë nga transferimet më të fundit të bëra në Mynih kanë qenë të lojtarëve të kërkuar nga Nagelsmani dhe janë miratuar dhe mbështetur nga Hasan Salihamixhiç dhe Oliver Kahn.

Asnjë nuk është tani në klub. Ka ardhur koha e Tuhelit. Personalisht, nuk mendoj se kjo skuadër duhet të ndryshohet shumë. Nëse çdo lojtar do të jepte më të mirën, atëherë kjo skuadër do të luftonte për Champions League. Por tashmë është sezoni i dytë radhazi në të cilin ai nuk formohet sipas pritshmërive, ndaj do të ketë ndryshime të rëndësishme”,- ka thënë Mateus.