web counter
LEXO PA REKLAMA!

SHKARKO APP

App Store
Google Play

E fundit!

x

PSG nxjerr Mbapenë në merkato, Real Madridi bëhet gati për “sulmin” e madh

13 Qershor 2023, 10:30, Sport CNA

Mbape mund të bashkohet me Real Madridin më parë seç ishte parashikuar. Ditën e djeshme bëri bujë lajmi se francezi ka refuzuar të aktivizojë opsionin e rinovimit automatik të kontratës, për ta çuar mbylljen e marrëveshjes deri në vitin 2025.

Drejtuesit kanë mbetur të befasuar nga ky vendim i Mbapesë, i cili duket se kërkon me patjetër të largohet drejt një destinacioni tjetër, me shumë mundësi Real Madrid. Kjo lëvizje e Mbapesë e afron akoma më shumë me klubin iberik, por edhe e komplikon situatën.

Florentino Perez kishte vendosur ta merrte Mbapenë në fund të sezonit të ardhshëm me parametra zero, duke siguruar një yll të madh tërësisht falas. Por kjo duket se nuk do të jetë e mundur, pasi francezët nuk kanë ndërmend të humbin aq shumë para dhe t’ua bëjnë të lehtë spanjollëve.

Gazetari Fabrizio Romano raporton se PSG i ka bërë me dije Mbapesë se nëse nuk rinovon deri më 1 gusht, kur është afati i fundit për aktivizimin e klauzolës së rinovimit, ai do të nxirret në shitje. Në këtë mënyrë, nëse Real Madridi nuk ka në plan ta humbasë, duhet të paraqitet menjëherë për ta blerë Mbapenë.

Francezi pritet t’u kushtojë shumë spanjollëve, me PSG-në, që me siguri do të kërkojë shifër të kripur për një lojtar, të cilin e bleu për 180 milionë euro në vitin 2018, kur e mori nga Monaco. Ankandi për Mbapenë me siguri do të nisë nga 120 milionë eurot.





Lajmet e fundit nga