web counter
LEXO PA REKLAMA!

SHKARKO APP

App Store
Google Play

E fundit!

x

E ardhmja te Chelsea e pasigurt, klubi tjetër londinez do Brojën

12 Qershor 2023, 16:20, Sport CNA

West Ham është i prirur të provojë përsëri për transferimin e mundshëm të sulmuesit shqiptar të Chelseat, Armando Broja, pasi më parë u tërhoq nga një marrëveshje.

Bomberi kuqezi aktualisht është i dëmtuar, por pritet të kthehet në kohë për fillimin e sezonit përgatitor, me West Ham që mendon ta ketë në organikë dhe të rikthehet me pretendime më të mëdha në Premier League.

Broja duket një perspektivë e mirë dhe ka qenë në shënjestër të David Moyes edhe më parë, por më pas morën Scamacca-n, i cili nuk u përshtat asnjëherë me lojën e çekanëve.

E kundërta do të ndodhte me Brojën, i cili e njeh shumë mirë kampionatin anglez, pasi përveç ndeshjeve me Chelsean, ai ka luajtur edhe me Southampton, ku spikati me golat e tij.

Nuk dihet në çfarë forme mund të kryhet ky transferim, por me triumfin në Conference League, West Ham ka financa më të shëndosha dhe do të kërkojë blerjen e sulmuesit shqiptar, nisur edhe nga fakti se vlera e kartonit, pas dëmtimit, ka zbritur nga 40 milionë euro, në 30 milionë.

Ndërkohë vetë Broja po vijon fazën e rikuperimit dhe në muajin korrik është gati për fazën përgatitore, teksa tashmë pritet të shihet me cilin ekip do ta zhvillojë.





Lajmet e fundit nga