web counter
LEXO PA REKLAMA!

SHKARKO APP

App Store
Google Play

Sfida me Vllazninë, te Partizani shqetësojnë dy prej titullarëve

11 Janar 2023, 20:28, Sport CNA

Partizani zbarkoi ditën e djeshme në stërvitje në kuadër të përgatitjeve për ndeshjen e së premtes ndaj Vllaznisë, duke nisur nga ora 16:00 në stadiumin e “demave”.

Kjo sfidë vjen pas pushimesh të ëmbëlsuara me fitoren në derbi dhe natyrshëm atmosfera në skuadër është shumë e mirë. Parashikimi ishte se në këtë sfidë do të shkonin pa mungesa, por as këtë herë nuk pritet të ndodhë kështu.

Viktor da Silva dhe Masanga Matondo ditën e djeshme janë stërvitur të veçuar. Braziliani vuan prej më shumë se dy muajsh një problem muskulor dhe vazhdon të jetë i impenjuar me një program individual, duke mos qenë i gatshëm për t’u stërvitur me grupin. Dje ai ka bërë vetëm disa vrapime të lehta dhe më pas është marrë me ushtrime me dhe pa top. Nga ana tjetër, Matondo e kishte ditën e parë të stërvitjes dhe bëri vetëm disa vrapime rreth fushës. Të dy e rrezikojnë seriozisht ndeshjen e së premtes.

Ka edhe lajme pozitive. Xhuliano Skuka dje është kthyer të stërvitet normalisht pas disa ditësh. Sulmuesi madje doli më shpejt se pjesa tjetër e skuadrës dhe bëri nxehmje ekstra, përpara se të niste zyrtarisht stërvitja. Ditët e fundit ai ka pasur një gjendje gripale, ndërkohë që pret edhe qartësimin e së ardhmes së tij pas propozimeve nga Italia. Sa për stërvitjen, rezultoi të ishte e gjitha një “luftë”. Lojtarët gjatë minindeshjes shfaqën aq shumë grintë, sa protestonin edhe për vendimet e Kolelës mbi faullet apo këndoret e dhëna. Rrapaj shënoi një supergol, pas asistit të Skukës direkt nga këndorja.





Lajmet e fundit nga