web counter
LEXO PA REKLAMA!

SHKARKO APP

App Store
Google Play

E fundit!

x

Riberi dhe gara me CR7 e Mesin: Ishte një padrejtësi ajo që më bënë

7 Korrik 2022, 12:24, Sport CNA

Franck Riberi është rrëfyer në 360 gradë në një intervistë të dhënë për "La Gazzetta dello Sport". Francezi, i cili është lideri i Salernitanës, ka folur për tema të ndryshme në lidhje me eksperiencën e tij në klub duke u ndalur më shumë tek arsyet që e kanë shtyrë të pranojë ofertën e parë të klubit dhe më pas të qëndrojë.

DËSHIRË – “Jam krenar për veten, pasioni është një burim i pamatshëm energjie. Jam 39 vjeç, por shpresoj të vazhdoj akoma përpara".

“Kur isha fëmijë, luaja deri në orën 2 të mëngjesit në rrugët e lagjes. Dhe sot Riberi ka akoma të njëjtën dëshirë si në kohën kur ishte një fëmijë”, ka shpjeguar francezi.

SALERNO – “Italia më ka pëlqyer gjithmonë: mentaliteti, gjuha, ushqimi. Firence është e mrekullueshme dhe ka një publik të pabesueshëm. Më pas Salerno… Kam gjetur një mbështetje të madhe: këtu jetojnë të gjithë për futbollin".

“Kur nuk fitojmë shikoj trishtimin në sytë e tifozëve dhe më kjo më bezdis. E kam të vështirë t’i pranoj humbjet, nuk kam mësuar kurrë ta bëj".

“Vitin e kaluar kam kuptuar se situata ishte e vështirë dhe kam bërë gjithçka të mundur për të arritur mbijetesën. Është ndryshe nga fitorja e një kupe, por emocionet janë të mëdha: ajo arritje do të mbetet gjithmonë në zemrën time”.

QËNDRIMI – Në lidhje me qëndrimin në Salerno: “Si më ka bindur Iervolino të qëndroj? Nuk ka qenë e nevojshme të më bindë. Kur shikoj një person si ai, që përcjell besim dhe gjëra konkrete, unë vazhdoj përpara i qetë”.

E KALUARA – Në lidhje me garën për "Topin e Artë" 2013, kur Riberi doli mbrapa krahëve të Ronaldos dhe Mesit:

“Ka qenë e padrejtë. Ai ka qenë një vit i pabesueshëm për mua. Duhej të kisha fituar unë. Zgjatën kohën e dorëzimit të votimeve, ndodhi diçka e çuditshme. M’u duk një vendim politik”.





Lajmet e fundit nga