E fundit!

15:57 Aktualitet

VIDEO-Vrasja në Maliq, Lamallari “zbarkon” në Policinë e Korçës

Ministri i Brendshëm, Besfort Lamallari, ka zbarkuar në Dr...

Rezultatet zhgënjyese, ja çfarë do të ndodhë te Skënderbeu

16 Nëntor 2022, 11:11, Sport CNA

Rezultatet zhgënjyese, ja çfarë do të ndodhë te

Kur janë mbyllur 10 javë kampionat, Skënderbeu “ngujohet” në vendin e 7-të. Edhe pse kanë një ndeshje ende të paluajtur, ecuria është një zhgënjim. Klubi që duhet të komandonte garën, nuk ka grumbulluar dot më shumë se 13 pikë dhe është shumë larg misionit madhor.

Asgjë nuk ka shkuar sipas planeve fillestare dhe tashmë e shohin veten -8 nga kreu. Por më shumë sesa pikët, janë rezultatet, sidomos ato në shtëpi, që shqetësojnë drejtuesit bardhekuq.

Korçarët në tri ndeshjet e fundit ka marrë vetëm dy pikë nga 9 të mundshme dhe kjo është njëra anë e medaljes.

Në krahun tjetër, vjen faktori fushë. Korçarët janë të fundit në klasifikim për sa u përket ndeshjeve të shtëpisë me vetëm gjashtë pikë të grumbulluara mes tri barazimesh dhe një humbje.

Kjo është ajo që e shqetëson më shumë Ardjan Takajn, i cili duket se kërkon të “shkundë” për herë të fundit ekipin e tij për rikthimin tek ecuritë pozitive.

Nga sa bëjnë me dije burime në klub, presidenti është tërësisht i pakënaqur nga qasja që i kanë bërë sezonit disa prej elementëve kyç të skuadrës, përfshi këtu lojtarët dhe stafin teknik.

Në kushte të tilla, të njëjtat burime bëjnë me dije se pritet të ketë një takim mes palëve në fillim të muajit dhjetor. Mund të përkthehet si një mundësi më shumë, për të reflektuar dhe avancuar në objektivin “Superiore”.

Në një situatë të tillë, mësohet se mund të ketë edhe masa dhe sanksione në këtë situatë. Por diçka e tillë pritet që të dalë në dritë vetëm pas mbledhjes së famshme që Ardjan Takaj do të mbajë me ekipin në nisje të muajit të ardhshëm.