web counter
LEXO PA REKLAMA!

SHKARKO APP

App Store
Google Play

Raundi i fundit/ Përballje si finale, mësoni ndeshjet e sotme në Champions

29 Janar 2025, 11:48, Sport CNA

Raundi i fundit/ Përballje si finale, mësoni ndeshjet e sotme në

Mbrëmjen e kësaj të mërkure do të luhen 18 ndeshjet e vlefshme për raundin e tetë dhe të fundit në Ligën e Kampioneve.

Sot përcaktohen tetë skuadrat e para që kalojnë në fazën me eliminim direkt, ndërsa tetë të tjerat do të vendosen nëpërmjet “play off”-it.

Manchester City përballet me belgët e Club Brugge, në një sfidë që skuadra e Guardiolës e ka si një finale. Aktualisht anglezët janë në vendin e 25-të, që i lë jashtë kompeticionit. Fitorja do t'i fuste qytetarët mes 16 ekipeve që do të luajnë në "play off". Çdo rezultat tjetër përveç fitores, do ta linte City-n jashtë.

E dënuar për fitore është edhe skuadra e PSG-së, që luan me Stuttgart-in. Edhe francezët, në rast barazimi ose humbje, do të mbeteshin jashtë.

Juventusi është një tjetër skuadër që rrezikon. Bardhezinjtë do të përballen në shtëpi me portugezët e Benfica-s.

Bayern Munich përballet me sllovenët e Slovan Bratislava. Gjermanët vijnë pas humbjes me Feyenoord dhe e kanë detyrim triumfin, për të synuar tetë vendet e para, diçka që duket e vështirë për t'u realizuar.

I dënuar për fitore është edhe Milan-i. Kuqezinjtë luajnë me kroatët e Dinamo Zagreb, ku në rast triumfi do të siguronin zyrtarisht kualifikimin për më tej, mes tetë më të mirave.

Real Madrid ka një transfertë delikate, siç është ajo ndaj Brest në Francë, ndërsa Liverpool pret holandezët e PSV Eintoven.

Përballje spektakolare pritet të jetë ajo mes Barcelona-s dhe Atalanta-s, dy skuadra që njihen për lojën e hapur. Katalanasit mbajnë vendin e dytë, ndërsa italianët renditen në vendin e shtatë.

Inter-i pret në shtëpi francezët e Monaco-s, me zikaltrit që do kënaqeshin edhe me një barazim në këtë përballje. Të gjitha ndeshjet do të luhen duke nisur nga ora 21:00.

Raundi i fundit/ Përballje si finale, mësoni ndeshjet e sotme në

 





Lajmet e fundit nga