web counter
LEXO PA REKLAMA!

SHKARKO APP

App Store
Google Play

E fundit!

x

Derbi Milan-Inter, mundësi e artë për Asllanin

28 Janar 2025, 22:01, Sport CNA

Derbi Milan-Inter, mundësi e artë për Asllanin

Hakan Çalhanoglu po lufton kundër kohës, për tu rikuperuar për derbin ndaj Milanit. Mesfushori turk është kthyer në një lojtar shumë të rëndësishëm për Interin dhe mungesa e tij ndaj rivalëve të qytetit, do të ishte problem i madh.

Dëmtimi i tij jo vetëm që ndërlikon planet taktike të trajnerit Inzaghi, por edhe ul ndjeshëm fleksibilitetin e skuadrës në një ndeshje vendimtare për garën e titullit. Derbi kundër Milanit është një përballje që shkon përtej pikëve, pasi përballë janë dy rivalë të përjetshëm që luftojnë për prestigj dhe supremaci në qytetin e Milanos.

Sipas mediave italiane, Çalhanoglu është i sigurt që do të mungojë në ndeshjen kundër Monacos në Ligën e Kampioneve, ndërsa prania e tij në derbi po vlerësohet dita-ditës nga stafi mjekësor. Edhe në rast rikuperimi, mundësia që turku të rrezikohet është shumë e vogël. Për këtë arsye, Inzaghi duhet të mendojë për alternativa të reja në mesfushë.

Mungesa e turkut hap një derë për lojtarët e tjerë që kërkojnë të tregojnë veten. Dy emrat kryesorë që po shqyrton Inzaghi për të mbushur boshllëkun janë Kristjan Asllani dhe Zielinski. Shqiptari mund të ketë një mundësi të artë për të fituar besimin e trajnerit dhe tifozëve.

Në këtë sezon, 22-vjeçari është aktivizuar në 20 ndeshje, por kryesisht si zëvendësues. Ai ka arritur të shënojë vetëm një gol në Kupën e Italisë dhe ka dhënë dy asiste në kampionat, duke kaluar një total prej 800 minutash në fushë. Në merkaton e dimrit, emri i tij ishte shpesh në qendër të spekulimeve për një largim të mundshëm, me Bolonjën që shprehu interes të madh për shërbimet e tij. Megjithatë, Interi ka preferuar ta mbajë atë, duke i ofruar një shans të dytë për të treguar vlerën e tij.

Pavarësisht dilemës rreth rikuperimit të Çalhanoglu, Interi do të ketë një formacion konkurrues për derbin. Zielinski është një alternativë e sigurt, duke pasur përvojën e nevojshme në ndeshje të mëdha, ndërsa Asllani sjell një dozë freskie dhe entuziazmi, që mund të jetë vendimtare në mesfushë. Sido që të jetë, çdo vendim do të ndikojë drejtpërdrejt në balancën dhe dinamikën e skuadrës së zikaltërve.





Lajmet e fundit nga