web counter
LEXO PA REKLAMA!

SHKARKO APP

App Store
Google Play

Puthi lojtaren në buzë, presidenti i federatës spanjolle: Injoroni idiotët

21 Gusht 2023, 13:12, Sport CNA

Spanja festoi Kupën e parë të Botës për femra në historinë e saj. Vajzat e “Furias Rochas” festuan suksesin e tyre të madh me të gjithë, madje edhe me pjesëtarët e federatës së futbollit të vendit, por ndodhi diçka që ngjalli debat.

Prej një dite është hapur një debat intensiv në lidhje me veprimin e presidentit të Federatës Spanjolle, Luis Rubiales. Gjatë ceremonisë së shpërndarjes së medaljeve, ai përqafoi lojtaren Hermoso. Ai e puthi në faqe fillimisht e më pas në buzë.

Pamjet kanë ndezur stuhi reagimesh, duke marrë formën e një skandali në futbollin spanjoll. Kur ajo u pyet nga një gazetar, u përgjigj: “Uh, po, nuk më pëlqeu”.

Gjithashtu ka reaguar edhe Rubiales në lidhje me këtë skenë.

“Le të injorojmë budallenjtë dhe idiotët, me të vërtetë. Është kulmi i një momenti të dy miqve që festojnë diçka. Le ta injorojmë këtë gjë dhe të shijojmë gjërat e mira. Ishte diçka që u bë pa një sfond të keq. Nëse ka budallenj, le të vazhdojnë me budallallëqet e tyre. Nuk u bë me keqdashje, nëse njerëzit duan të humbin kohën me këtë gjë, le ta bëjnë”, ishte përgjigja e Rubiales ndaj kritikave.





Lajmet e fundit nga