web counter
LEXO PA REKLAMA!

SHKARKO APP

App Store
Google Play

Kaosi me tifozët, UEFA me "dorë të hekurt" ndaj Dinamo Zagrebit

20 Gusht 2023, 15:56, Sport CNA

Ndeshja mes AEK-ut dhe Dinamo Zagrebit, e planifikuar të luhej një javë më parë në Athinë, u anulua për shkak të dhunës së tifozerisë kroate, ku për pasojë mbeti i vrarë një tifoz grek. Kjo bëri që ndeshja të luhej në një datë tjetër, ndërkohë që edhe UEFA nuk ka ngurruar të japë dënimin për tifozerinë kroate, megjithëse incidentet ndodhën jashtë stadiumit.

Kështu, ultrasit e Dinamos nuk do të lejohen që të marrin pjesë në ndeshjet në transfertë deri në fund të sezonit. Me eliminimin nga Liga e Kampioneve, Dinamo Zagreb do të luajë në “Play Off” të Ligës së Europës dhe në këtë ndeshje, tifozët kroatë do të jenë vetëm në ndeshjen në shtëpi.

“Pas incidenteve jashtëzakonisht të rënda që ndodhën përpara ndeshjes së shtyrë të raundit të tretë kualifikues të UEFA Champions League ndërmjet AEK dhe Dinamo Zagreb të planifikuar fillimisht për 9 gusht 2023, në Athinë, dhe që rezultuan me vdekjen e një shtetasi grek, UEFA ka vendosur që tifozët e GNK Dinamo nuk do të lejohen të ndjekin asnjë ndeshje jashtë fushe për pjesën e mbetur të sezonit 2023/24 të garave të UEFA-s.

Pas një vlerësimi të bërë nga UEFA, të gjitha ndeshjet që përfshijnë tifozët vizitorë të Dinamo konsiderohen të jenë me rrezik të lartë. Kjo u vërtetua për fat të keq nga graviteti ekstrem i incidenteve për shkak të pranisë në Athinë të tifozëve të GNK Dinamo, pavarësisht vendimit për të mos ofruar ato me bileta për ndeshjen në fjalë.

Kjo është theksuar edhe në raportin që përmban informacion mbi incidentet që autoritetet greke i kanë dhënë UEFA-s”, shkruan UEFA mes të tjerash në vendim.





Lajmet e fundit nga