web counter
LEXO PA REKLAMA!

SHKARKO APP

App Store
Google Play

E fundit!

x

Pritet të ndryshojë skuadër, klubi i njohur bën ofertë për Dakun

3 Qershor 2024, 11:39, Sport CNA

Pritet të ndryshojë skuadër, klubi i njohur bën ofertë

Mirlind Daku zhvilloi një sezon të shkëlqyer në Rusi me fanellën e Rubin Kazan, aty ku realizoi 10 gola dhe katër asiste.

Falë paraqitjeve pozitive të treguara, sulmuesi mori edhe ftesën për të qenë pjesë e Europianit me Shqipërinë.

Në një moment, kur sulmuesi është i fokusuar te kompeticioni madhor, emri i tij vazhdon të lakohet në merkato.

Mediat në Turqi raportojnë se Daku është në listën e Besiktas-it, për ta transferuar në merkaton e verës.

Klubi bardhezi është në kërkim të një sulmuesi dhe drejtuesit kanë piketuar lojtarin shqiptar. Madje thuhet se Besiktas ka bërë edhe një ofertë te Rubin Kazan, për të marrë shërbimet e 26-vjeçarit.

Detajet e ofertës nuk janë zbuluar ende, por gjasat që Daku të ndryshojë skuadër në merkaton e verës janë shumë të mëdha.

Te Besiktas, sulmuesi do të gjente edhe dy shqiptarë të tjerë, si Ernest Muçi dhe Milot Rashica.

Vlera e Dakut aktualisht është 1.5 milionë euro, ndërsa numëron 232 ndeshje zyrtare në karrierën e tij si profesionist, ku ka shënuar 109 gola dhe ka regjistruar 21 asistime.

Te Rubin Kazan janë të bindur se pas Europianit, vlera e sulmuesit do të rritet dhe për këtë arsye, i kanë shtyrë bisedimet për në fund të muajit qershor.





Lajmet e fundit nga