web counter
LEXO PA REKLAMA!

SHKARKO APP

App Store
Google Play

E fundit!

x

Balotazh Broja-Daku dhe Mitaj në stol, Silvinjo "skicon" formacionin e miqësores

3 Qershor 2024, 10:17, Sport CNA

Shqipëria do të përballet me Lihteshtejnin në miqësore, në një sfidë ku pritet të ketë ndryshime të shumta në formacion.

Në konferencën për shtyp, trajneri Silvinjo deklaroi se do të aktivizohen lojtarët me më pak minuta.

Në portë është projektuar Tomas Strakosha, i cili mendohet të jetë titullar edhe në Europian. Në krahun e djathtë, Hysaj duket i sigurt, ashtu si edhe Ismajli në qendër të mbrojtjes. Me mungesën e Gjimshitit, qendërmbrojtësi tjetër pritet të jetë Mihaj, por nuk përjashtohet edhe mundësia e aktivizimit të Kumbullës.

Mitaj është titullar i padiskutueshëm për krahun e majtë të mbrojtjes, por për këtë përballje, Silvinjo pritet të luajë me Naser Alijin në atë pozicion.

I vetmi repart që nuk pritet të ndryshojë, është mesfusha. Asllani dhe Ramadani duken të padiskutueshëm, ndërsa para tyre do të luajë Nedim Bajrami, lojtar që këtë sezon ka hasur vështirësi të mëdha te Sassuolo.

Balotazh Broja-Daku dhe Mitaj në stol, Silvinjo "skicon"

Në të djathtë të sulmit, e sigurt është prezenca e Jasir Asanit, ndërsa në të majtë, pritet të luajë Arbër Hoxha.

Balotazh ka edhe në qendër të sulmit, mes Dakut dhe Brojës, me trajnerin që do të vendosë vetëm pak minuta para ndeshjes.

Në pjesën e dytë, Silvinjo do të aktivizojë edhe lojtarët e tjerë, pasi dëshiron që në "Euro 2024", t'i ketë me minuta në këmbë.





Lajmet e fundit nga