web counter
LEXO PA REKLAMA!

SHKARKO APP

App Store
Google Play

E fundit!

x

Testi para Europianit/ Shqipëria luan sot miqësoren në Hungari

3 Qershor 2024, 10:16, Sport CNA

Kombëtarja shqiptare do të luajë këtë të hënë ndeshjen e parë miqësore në prag të "Euro 2024". Kuqezinjtë, sfidojnë një kundërshtar modest, siç është Lihtenshtejni.

Trajneri Silvinjo do të ketë mundësinë të ndjekë nga afër gjendjen e lojtarëve të tij, para kompeticionit madhor që do të mbahet këtë verë në Gjermani.

Shqipëria prej ditësh është zhvendosur në Austri, aty ku po zhvillon fazën përgatitore. Skuadra është në moment të mirë dhe nuk ka dëmtime. Nga lista me 27 lojtarë që Silvinjo bëri publike pak ditë më parë, i vetmi që mungon në grumbullim, është kapiteni Berat Gjimshiti.

Mbrojtësi ishte i angazhuar me Atalantën në ndeshjen e fundit të kampionatit ndaj Fiorentinës. Gjimshiti do të bashkohet sot me grupin, por nuk do të jetë i gatshëm për miqësoren me Lihtenshtejnin.

Siç e tha edhe në konferencën për shtyp, trajneri Silvinjo, për ndeshjen e sotme, pritet të hedhë në fushë lojtarët me më pak minuta në këmbë gjatë sezonit.

Duke ditur që përballë është një kundërshtar i lehtë, tekniku brazilian ka mundësinë e shkëlqyer, për të bërë eksperiemente, në mënyrë që të ketë një ide më të qartë për zgjedhjet në Europian.

Ndeshja miqësore mes Shqipërisë dhe Lihtenshtejnit, do të luhet mbrëmjen e kësaj të hëne, duke nisur nga ora 20:00, në stadiumin "Haladas" në Hungari. Gjithashtu, Kombëtarja kuqezi, do të luajë një tjetër miqësore në të njëjtin stadium, me Azerbajxhanin, katër ditë më vonë.

 





Lajmet e fundit nga