web counter
LEXO PA REKLAMA!

SHKARKO APP

App Store
Google Play

E fundit!

x

Miqësorja para Euro 2024, vetëm një mungesë te Shqipëria

2 Qershor 2024, 11:55, Sport CNA

Miqësorja para Euro 2024, vetëm një mungesë te

Kombëtarja shqiptare, zhvilloi stërvitjen e parë në Austri, aty ku po qëndron për fazën përgatitore, në prag të dy ndeshjeve miqësore të muajit qershor.

Trajneri Silvinjo dhe stafi teknik, kanë punuar me grupin për më shumë se një orë ngarkesë të plotë dhe gjithçka shkoi sipas planit.

Me ekipi u bashkua sulmuesi Taulant Seferi, pas angazhimeve që kishte me ekipin e tij në Emiratet e Bashkuara Arabe. Në mbrëmje pjesë e grumbullimit u bë edhe Amir Abrashi, i cili vjen pasi siguroi qëndrimin në elitën e futbollit zviceran me Grasshoperin.

Mungesa e vetme, ishte ajo e kapitenit Berat Gjimshiti. Mbrojtësi, do të luajë me Atalantën në sfidën e fundit të kampionatit ndaj Fiorentinës dhe më pas do të bashkohet me kuqezinjtë.

Pasi të ketë mbërritur edhe Gjimshiti, grupi te Shqipëria do të jetë i plotë, ndërsa lojtari pritet të mungojë në miqësoren e parë.

Kombëtarja shqiptare, do të përballet me Lihteshtejnin më 3 qershor, në orën 20:00, në stadiumin "Haladas" në Hungari, ndërsa katër ditë më vonë, kuqezinjtë do të luajnë miqësoren e dytë në të njëjtin stadium me kombëtaren e Azerbajxhanit.

Këto dy ndeshje do të jenë të fundit për Shqipërinë, para Europianit, aty ku ekipi i drejtuar nga Silvinjo, është pjesë e grupit B, me kombëtare të mëdha si Spanja, Italia dhe Kroacia.





Lajmet e fundit nga