E fundit!

22:51 Aktualitet

Biznesmeni Artur Shehu thyen heshtjen: Jam pronar i vjetër i tokës në Zvërnec, nuk i njoh fare investitorët

Biznesmeni shqiptar Artur Shehu ka folur në emisionin Opin...

“Champions-i mund të fitohet nga Dortmund-i”/ Duka: Ja ndeshja më e rëndësishme për Shqipërinë në Europian

1 Qershor 2024, 14:20, Sport CNA

“Champions-i mund të fitohet nga Dortmund-i”/ Duka: Ja ndeshja

Presidenti i FSHF-së, Armand Duka, i cili njëkohësisht është edhe zëvendëspresident i UEFA-s, ka udhëtuar në Londër, ku do të ndjekë nga afër finalen e Ligës së Kampioneve, mes Realit të Madridit dhe Borussia Dortmund-it.

Duka deklaroi se pritet të jetë ndeshja më e bukur e sezonit, ndërsa shtoi se Dortmund-i mund të fitojë trofeun.

“Ndeshjet e Champions League janë festa më e bukur që mund të përjetojmë. Ne presim ndeshjen më të mirë të sezonit para Kampionatit Europian. Le të shohim se kush nga skuadrat do të fitojë. Të gjithë mendojnë se Real Madrid-i do të fitojë, por unë nuk mendoj kështu. Nëse ju kujtohet finalja e vitit të kaluar, të gjithë menduan se City do të fitonte lehtësisht, por nuk ishte kështu, mendoj do të jetë një ndeshje e vështirë. Real-i është një ekip me përvojë, por Dortmund-i ka bërë mirë dhe mund të krijojë probleme, mund të fitojë edhe trofeun.”

Duke folur për “Sky Sport”, numri 1 i futbollit në Shqipëri, u ndal edhe tek Europiani, ku deklaroi se Kombëtarja e ka ndeshjen më të rëndësishme ndaj Italisë.

“Shqipëria në Europian? Ndeshja më e rëndësishme e jetës sonë do të luhet në Dortmund. Marrëdhëniet tona me Italinë janë të veçanta, shumë shqiptarë jetojnë në Itali. Do të jetë një ndeshje speciale. Në Xhenova, në ndeshjen miqësore të disa viteve më parë, tifozët tanë kënduan himnin italian. Në 'Signal Iduna Park' presim një mur të kuq, mendoj se më shumë se gjysma e tifozëve do të jenë shqiptarë, është një nga ndeshjet me më shumë kërkesa për bileta, e dyta pas Gjermani-Zvicër. E dimë se çfarë kundërshtari do të gjejmë, ata janë skuadër e mirë, Italia është kampione në fuqi.

Italia është gjithmonë ndër favoritet në Kampionatin Europian, është gjithmonë aty dhe mund të fitojë. Ata janë një ekip historik, kampion europian, me cilësi, por lojtarët tanë janë të përgatitur. Italia është favorite, shpresoj që të festojmë në Dortmund”, deklaroi Duka.