web counter
LEXO PA REKLAMA!

SHKARKO APP

App Store
Google Play

E fundit!

x

Gjasula: Mezi po e presim Europianin, atmosfera është e shkëlqyer

2 Qershor 2024, 12:14, Sport CNA

Gjasula: Mezi po e presim Europianin, atmosfera është e shkëlqyer

Mesfushori i Kombëtares, Klaus Gjasula, foli për mediat, në prag të sfidës miqësores, që Shqipëria do të luajë ndaj Lihtenshtejnit.

Gjasula tha se atmosfera është shumë e mirë, ndërsa shtoi se mezi po e presin Europianin e Gjermanisë.

“Gjendja është e shkëlqyer si gjithmonë. Të gjithë jemi në formë të mirë, dhe gjithçka është në rregull. Po presim kapitenin të vijë tani. Atmosfera është mirë, kapiteni i duhet skuadrës. Do vijë me fitoren dhe frymën e mirë nga klubi i tij dhe shpresojmë që të na japi edhe ne pak nga ajo energji, po presim.

Unë jam mesfushor, kam ndihmuar edhe Darmstad-in si mbrojtës, por unë do jap maksimumin. Ajo varet nga zgjedhjet e trajnerit, unë jam për të ndihmuar ekipin dhe pastaj të shohim çfarë mund të ndodhë.

Kemi disa muaj që nuk kemi luajtur bashkë, ndeshja nesër do na ndihmojë të gjejmë njëri-tjetrin. Ndoshta nuk është kombëtare shumë e fortë, por do provojmë të nxjerrim atë se çfarë kemi bërë në stërvitje, ky është objektivi.

Europiani është gjithmonë një gjë e veçantë, mezi po presim që të kalojnë ditët. Kemi shumë punë përpara, ndeshjet dhe stërvitjet që të përgatitemi shumë mirë për takimet e Europianit.”, tha Gjasula.





Lajmet e fundit nga