web counter
LEXO PA REKLAMA!

SHKARKO APP

App Store
Google Play

E fundit!

x

ZYRTARE/ Mourinho rikthehet në stol, habit me skuadrën e re

2 Qershor 2024, 11:57, Sport CNA

ZYRTARE/ Mourinho rikthehet në stol, habit me skuadrën e re

Jose Mourinho, është trajneri më i ri i Fenerbahçes. Tekniku portugez, u zyrtarizua në stolin e skuadrës turke, mbrëmjen e së shtunës.

Fenerbahçe, në rrjetet postoi një video të Mourinho-s, që fton tifozët të jenë pjesë e prezantimit të tij.  

Pas një karriere të pasur në Europë, në drejtimin e skuadrave më me emër, "The Special One", do të provojë aventurën e tij të parë në Turqi.

Te klubi nga Stambolli, synim është titulli kampion për sezonin e ardhshëm dhe për këtë arsye, në stol kanë zgjedhur një ekspert.

Marrëveshja mes palëve, ishte arritur prej ditësh, por tashmë gjithçka merr formë zyrtare.

61-vjeçari, u përfol edhe për stolin e Besiktas-it, megjithat në fund u vendos për të kaluar te Fenerbahçe.

Në karrierën e tij si trajner, Mourinho, ka drejtuar një numër të madh skuadrash, duke filluar nga Benfica, për të vazhduar më pas te Porto, Inter, Real Madrid, Chelsea, Manchester United, Tottenham dhe së fundmi të Roma.

Portugezi, e ka fituar dy herë Ligën e Kampioneve, me Porton në vitin 2004 dhe Interin në 2010, ndërsa nuk mungojnë trofetë e tjerë Europianë, si ai me Manchester United në vitin 2017, ku fitoi Europa League, apo fitimi i Conference League me Romën, në vitin 2022, kur finalja u mbajt në Tiranë.

Mourinho shpreson të lërë shenjë edhe në Turqi, ashtu siç ka bërë në çdo kampionat ku ka drejtuar.





Lajmet e fundit nga