web counter
LEXO PA REKLAMA!

SHKARKO APP

App Store
Google Play

Polemika pas Spanjë-Gjeorgji, trajneri: Duhej anuluar, VAR-i nuk përdoret siç duhet

1 Korrik 2024, 12:57, Sport CNA

Polemika pas Spanjë-Gjeorgji, trajneri: Duhej anuluar, VAR-i nuk

Gjeorgjia u eliminua nga Europiani, në fazën e 1/8-ve, pas humbjes me shifrat e thella 4-1. Kombëtarja gjeorgjiane e nisi ndeshjen në mënyrë të shkëlqyer, duke kaluar në avantazh në minutën e 18-të, falë autogolit të Le Normand.

Megjithatë Rodri vendosi baraspeshën në minutën e 39-të, por ky gol ka krijuar polemika dhe ka sjellë ankesa nga kampi gjeorgjian.

Pas ndeshjes, trajneri i Gjeorgjisë, Willy Sagnol, shpërtheu në kritika ndaj arbitrimit, duke thënë se goli i parë duhej anuluar.

“Ishte një pozicion i qartë jashtë loje. VAR është një instrument i shkëlqyer, problemi është se nuk dinë ta përdorin siç duhet. Nuk e kuptoj përse goli i parë i Spanjës nuk u anulua për pozicion jashtë loje. Më këtë Evropian ka ndodhur që janë anuluar gola të ngjashëm, nuk më pëlqeu ajo që ndodhi. VAR nuk po përdoret mirë dhe në fund e paguajmë ne.”

Gjeorgjia shkroi historinë në Europian, duke u kualifikuar për herë të parë në këtë kompeticion, por edhe duke kaluar grupin.

Në "Euro 2024", kombëtarja e drejtuar nga Sagnol, regjistroi dy humbje, një fitore dhe një barazim, ndërsa në grup morën 4 pikë.

Kujtojmë se kombëtarja gjeorgjiane është në grup me Shqipërinë për Ligën e Kombeve.





Lajmet e fundit nga