web counter
LEXO PA REKLAMA!

SHKARKO APP

App Store
Google Play

Broja, drejt kalimit te pretendentët. Chelsea e fut në shkëmbim

1 Korrik 2024, 12:54, Sport CNA

Broja, drejt kalimit te pretendentët. Chelsea e fut në shkëmbim

Armando Broja do të largohet nga Chelsea në merkaton e kësaj vere, diçka që duket e sigurt deri tani.

Sulmuesi shqiptar nuk është në planet e klubit londinez dhe për këtë arsye, duhet të gjejë ekip të ri.

22-vjeçari pritet të vazhdojë karrierën te skuadra tjetër e Premier League, Newcastle.

Chelsea prej kohësh është në kërkim të një sulmuesi dhe në listën e bluve ka përfunduar ylli suedez, Aleksandër Isak.

Osimhen ka qenë objektivi kryesor, por kërkesat e larta të Napolit, kanë bërë që anglezët të tërhiqen nga gara.

Edhe Isak kushton shumë, plot 135 milionë euro, por Chelsea, ka gati zgjidhjen për të ulur çmimin. Londinezët kanë menduar të fusin në marrëveshje për të ulur çmimin e Isak, tre lojtarë.

Bëhet fjalë për Armando Brojën, Gallagher dhe Chalobah. Chelsea i vlerëson lojtarët 100 milionë euro, ndërsa janë gati që të shtojnë edhe 30 milionë euro, për të mbyllur marrëveshjen.

Kalimi te Newcastle, do të ishte një mundësi e mirë për sulmuesin e Shqipërisë, që është në kërkim të një skuadre, ku do të gjente më shumë minuta.

Javët e ardhshme, do të jenë vendimtare për të ardhmen e Brojës, që në sezonin e fundit, vuajti te Fulham.





Lajmet e fundit nga