web counter
LEXO PA REKLAMA!

SHKARKO APP

App Store
Google Play

Podolski: Bëra gabim që zgjodha Interin në vitin 2015

6 Shtator 2022, 10:54, Sport CNA

Në janarin e vitit 2015, Lukas Podolski u transferua me bujë nga Arsenali tek Interi, por paraqitjet e tij në 6 muaj me zikaltrit ishin larg pritshmërive të drejtuesve dhe tifozëve.

Së fundmi, sulmuesi gjerman ka folur për të përditshmen sportive italiane “La Gazzetta dello Sport”, për sfidën ku Interi do të përballet ndaj ish-skuadrës së tij, Bajernit të Mynihut, dhe aventurën e shkurtër me klubin nga Milano:

“I kam ndjekur ndeshjet e Interit përpara se të luante në derbi ndaj Milanit dhe janë lojtarë shumë të aftë. Të shohësh Bajernin e Mynihut, nuk ka asnjë gjë të re.

Fitojnë gjithmonë, si në dekadën e fundit. Bajerni ka kualitete të mëdha.

E shkuara me Interin? Gabimi në vitin 2015 ishte që u transferova tek Interi vetëm për 6 muaj. Huazimet nuk më kanë pëlqyer kurrë, kisha mbërritur edhe jo në formën e duhur.

Koha ishte e limituar për të treguar veten, por kam kujtime shumë të bukura”, përfundoi 37-vjeçari gjerman që aktualisht aktivizohet në Superligën e Polonisë me Gornik Z ku deri më tani në këtë sezon ka luajtur në 4 ndeshje, por pa mundur të shënojë dhe asistojë.





Lajmet e fundit nga