web counter
LEXO PA REKLAMA!

SHKARKO APP

App Store
Google Play

E fundit!

x

Po shkëlqen me Sivasspor, Manaj merr vlerësimin në Turqi

21 Maj 2024, 12:25, Sport CNA

Po shkëlqen me Sivasspor, Manaj merr vlerësimin në Turqi

Rei Manaj po kalon sezonin më të mirë në karrierë dhe është një nga lojtarët më të spikatur në Turqi.

Sulmuesi shqiptar i ka mahnitur të gjithë me paraqitjet e treguara me fanellën e skuadrës së Sivasspor. Përveç golave të shënuar, lojtari është vendimtar, por nuk gjen rrugën e rrjetës.

Në fundjavë, Manaj ishte protagonit me asist, në një nga golat e skuadrës së tij, në fitoren 3-1 ndaj Istanbulspor.

Përveç asistit, 27-vjeçari zhvilloi një paraqitje të shkëlqyer, duke rrezikuar portën kundërshtare në disa raste.

Në fund të takimit, Manaj mori një vlerësim të rëndësishëm, me notën 8.3. Falë paraqitjes së treguar, lushnjari është zgjedhur në formacion e javës në Superligën turke, në krye të sulmit.

Po shkëlqen me Sivasspor, Manaj merr vlerësimin në Turqi

Në formacionin e javës u zgjodh edhe mbrojtësi nga Kosova, Amar Gërxhaliu, me fanellën e Antalyaspor.

Sa i përket Manajt, sulmuesi numëron 18 gola të shënuar në 32 ndeshje të luajtura në kampionat këtë sezon dhe falë paraqitjeve të mira shpreson një ftesë për në "Euro 2024" nga trajneri i Kombëtares, Silvinjo.

Manaj është një nga sulmuesit më në formë të Shqipërisë dhe ftesa e tij duket e sigurt, pavarësisht se në dy miqësoret e muajit mars, nuk arriti të lërë shenjë ndaj Kilit dhe Suedisë.





Lajmet e fundit nga