web counter
LEXO PA REKLAMA!

SHKARKO APP

App Store
Google Play

Muçi dhe Asllani mund të luajnë në një ekip

21 Maj 2024, 12:14, Sport CNA

Muçi dhe Asllani mund të luajnë në një ekip

Aston Villa duket se është e dashuruar me shqiptarët. Pasi siguruan kualifikimin në Ligën e Kampioneve për sezonin e ardhshëm, drejtuesit kanë nisur nga puna, për afrimet që do të bëjnë në merkato.

Në listën e klubit janë dy shqiptarë, të cilët do të tentojnë t’i afrojnë në verë. Bëhet fjalë për fantazistin Ernest Muçi dhe mesfushorin Kristjan Asllani.

Muçin, Aston Villa, e ndjek prej disa muajsh, madje thuhet se ka bërë edhe ofertën e parë te Besiktas. Sipas raportimeve nga Turqia, klubi anglez, ka ofruar 20 milionë euro, për 23-vjeçarin, por ende nuk ka një marrëveshje.

Sa i përket Asllanit, drejtuesit e Aston Villa-s, kanë mbetur të impresionuar nga paraqitjet e mesfushorit tek Interi dhe duan ta kenë në ekipin e tyre.

Shqiptari pëlqehet shumë edhe nga trajneri Unai Emery, që e shikon si të duhurin për mesfushën. Lojtari ka eksperiencë në Champions, pasi ka luajtur me Interin aty dhe kjo është diçka që shtyn edhe me shumë Aston Vila-n për ta afruar.

Megjithatë, një marrëveshje nuk do të jetë e lehtë. Pavarësisht se nuk ka pasur shumë minuta tek Interi, Asllani nuk ka kërkuar kurrë të largohet, pasi zikaltrit janë skuadra e tij e zemrës që nga fëmijëria.

E sigurt është që para Europianit, as Muçi dhe as Asllani, nuk do të ndryshojnë ekip, pasi do të jenë të fokusuar vetëm te kompeticoni madhor. Pas "Euro 2024", duke parë edhe paraqitjet e dy lojtarëve, klubet respektive do të bëjnë vlerësimet e tyre dhe do të dalin në një vendim përfundimtar.





Lajmet e fundit nga