web counter
LEXO PA REKLAMA!

SHKARKO APP

App Store
Google Play

E fundit!

x

Interi "digjet" si Milani, zikaltrit me pronarë të rinj

21 Maj 2024, 12:17, Sport CNA

Interi "digjet" si Milani, zikaltrit me pronarë të rinj

Kjo e martë do të jetë vendimtare për të ardhmen e klubit të Interit. Zikaltrit pritet të bëhen me pronarë të rinj dhe do të kalojnë nën udhëheqjen amerikane.

Pronarët aktualë të Interit, familja Zhang, kanë pak orë kohë për të shlyer borxhin ndaj fondit amerikan, “Oaktree”. Kinezët nuk ia kanë dalë dot të sigurojnë të ardhurat, për të shlyer kredinë e marrë në vitin 2021 dhe për këtë arsye, klubi i Interit, do të kalojë në pronësinë e “Oaktree”.

Pak a shumë, e njëjta situatë si me rivalët e qytetit, Milanin. Kuqezinjtë, në vitin 2018, kaluan nga kinezët e Yong Hong Le, tek fondi amerikan, “Elliott”. Shkak u bë kredia e kinezëve në atë kohë, që gjithashtu nuk e shlyen dot.

E njëjta histori po përsëritet edhe me Interin, që po kalon një kaos financiar.

Borxhi është 380 milionë euro, me Zhang-un që e ka të pamundur ta paguajë dhe për këtë arsye, fondi amerikan do të marrë kontrollin e klubit.

Sipas asaj që raportojnë mediat italiane, “Oaktree”, nuk pritet ta mbajë për shumë gjatë Interin dhe po kërkon për blerës të rinj. Fondi amerikan, refuzoi zgjatjen e huasë me Zhang-un dhe tashmë do jenë ata në krye të klubit.

Interesime për të blerë Interin, ka pasur nga Arabia Saudite, por ende mungojnë ofertat zyrtare, që pritet të vijnë, sapo amerikanët të kenë marrë kampionët e Italisë.





Lajmet e fundit nga