web counter
LEXO PA REKLAMA!

SHKARKO APP

App Store
Google Play

E fundit!

x

Përmbysje spektakolare e Laçit, Tirana për mbijetesë

21 Dhjetor 2024, 15:19, Sport CNA

Përmbysje spektakolare e Laçit, Tirana për mbijetesë

Laçi triumfoi ndaj Tiranës me rezultatin 3-1, në sfidën e vlefshme për javën e 19-të në Superligë.

Përballje spektakolare, ku kurbinasit ia dolën të fitojnë në shtëpi me përmbysje. Ishte një ndeshje me dy tablo, ku pjesa e parë foli për kryeqytetasit, ndërsa e dyta për bardhezinjtë.

Tirana e mbylli fraksionin e parë të lojës në avantazh minimal, pas golit të shënuar nga Ndreca në minutën e 40-të. Sulmuesi shfrytëzoi në maksimum një pasim nga Prengaj dhe përballë portierit nuk gaboi.

Megjithatë, pjesa e dytë ishte një tjetër histori. Laçi barazoi në minutën e 47-të, me Melon që pas një krosimi të Mjakit, lëshoi një gjuajtje të fortë dhe e ndali në fundin e rrjetës.

Katër minuta më vonë, ishte sërish Kordeiro Melo, i cili shtangu portierin Selmani për herë të dytë, duke përmbysur rezultatin në favor të Laçit.

Ky gol tronditi miqtë, që e kishin të vështirë për të reaguar, ndërsa pësuan edhe të tretin shumë shpejt. Në minutën e 60-të, Traore realizoi në portën e Tiranës, duke vulosur takimin në 3-1.

Këtë avantazh Laçi e ruajti deri në fund, për të marrë një fitore shumë të rëndësishme.

Ky sukses i ngjit kurbinasit në vendin e shtatë me 20 pikë, duke parakaluar pikërisht Tiranën, me kryeqytetasit që zbresin në vendin e tetë dhe tani rrezikojnë mbijetesën.





Lajmet e fundit nga